नीरगमन

नीरगमन

नीरगमन

जानकारी

नीरगमन नी कीताप अब्‌राहम ना कुळ ने अगी बड़ावे, जे उबजणाय कीताप मे सुरु हयली हती। नीरगमन सब्‌द नु मतलब से “नीकळणु” जीनु मकसत से ईस्‌रायल देस ना मीस्‌र सी नीकळीन तीहया देस मे पासा जवा सी से जीनो वायदो भगवान अब्‌राहम ह़ाते करलो हतो। रीती-रीवाज नी अनसारे जानकारुम नु माननु से के नीरगमन नी कीताप नो जादा सी जादा हीस्‌सो भगवान वगे गेथी वात केवा वाळा मुसा नी लारे लीखलो से।

रुपरेखा

1. कीसम ईस्‌रायली माणहु ने गुलाम बणावला हता।

2. मुसा ना बारा मे जानकारी देखाड़ली से अने तीनी जीवाय ना बारा मे देखाड़लु से, के जत्‌यार तक तीने भगवान ना माणहु ने छोड़ाव्‌वा करीन नी बोलावलो हतो।

3. अळी लीखण्‌यो देखाड़े के कीसम भगवान आपणा माणहु ने तीहया देस सी अने फीरोन नी सेना सी बचाड़वा ना लेदे मीस्‌र देस मे मोटा-मोटा काम अने गरा ने उबजाड़्‌यो।

4. आञे गेथु ईस्‌रायल राज्‌य सीने बड़ो तक ज्‌यु।

5. भगवान मुसा ने नेम-कायदा आप्‌यो, जीमनी मे भगवान ना ईस्‌रायली माणहु ने कीसम जीवाय जीव्‌वा अने भक्‌ती करवा तीना बारा मे पुरी ह़ला से।

6. ईस्‌रायली माणहु मुसा ना भाय हारुन ने ह़ोना नी वाछड़ा नी मुरती बणाव्‌वा करीन राजी करीन भगवान ना वीरोद मे हामलो कर्‌या।

7. मुसो भगवान नी बड़ाय ने देख्‌यो अने अळतेण ईस्‌रायली माणहु ने भगवान ना नेम-कायदा ना बारा मे देखाड़्‌यो के रेवा नो जागो, पेटारु अने रेवा ना जागा मे उपाह ना लेदे बीजु अवज्‌यार अने पुंजारा ना खास लुगड़ा कीसम बणाव्‌वा।