अय्यूब

अय्यूब

अय्यूबो रे बारे दे बताणे वाल़ी कताब

भूमिका

कोई नि जाणदा कि अय्यूबो री कताब किने लिखी थी। केसी बी लेखको रा जिक्र इजी दे नि करी राखेया ए। ऊई सकोआ कि एकी ते जादा लिखणे वाल़े ओ। “अय्यूब” बाईबला री बऊत पुराणी कताब ए। अय्यूब एक पला ओर तर्मी माणूं था जेस पाँदे सईणे ते बारे बिपदा पड़िया, तिने ओर तेसरे दोस्तो खे जाणने री कोशिश करनी चाई थी कि तेस पाँदे एड़िया बिपदा रे पड़ने री क्या बजा थी। एते कताबा रे मुखिये लोक थे अय्यूब, तेमानी, एलीपज, शूही बिल्दद, नामाती, सोपर, बूजी एलीहू। कताबा रे जादातर पाअग प्रकट करोए कि से बऊत बखत बीतणे ते बाद लिखी राखी ए। एलीहूए री जानकारी ओर बी बादली ऊई सकोई।

पुराणे बखतो रे यहूदी ओर सारे बाईबला रे पढ़ने वाल़े। ये बी मानेया जाओआ कि अय्यूबो री कताबा रे खास पढ़ने वाल़े गुलामिया दे रणे वाल़ी इस्राएलो री ल्वाद थी। एड़ा बी मानेया जाओआ कि मूसा तिना खे ईम्मत देणा चाओ था जेबे सेयो मिस्रो दे मुसीबत सईणे लगी रे थे।

अय्यूबो री कताब आसा खे कईया गल्ला खे समजणे दे मताद करोई शैतान दौल़त ओर शरीरो खे कोई बी नुकशाण नि पऊँचाई सकदा। शैतान क्या करी सकोआ ओर क्या नि करी सकदा तेस पाँदे परमेशरो रा अक्क ए। दुष्टो खे तेसरा फल मिलणा। कदी-कदी म्हारे जीवनो दे मुसीबत आसा खे शुद्ध करने, परखणे खे, शिक्षा या आत्मा रिया शक्तिया रिया तँईं ओए।

रूप-रेखा

प्रस्तावना ओर शैतानो रा अमला

अय्यूब आपणे तीऊँ दोस्ता साथे आपणियां मुसीबता रा विवाद करोआ

एलीहू परमेशरो रिया पलाईया री घोषणा करोआ

परमेशर अय्यूबो पाँदे आपणी परम-परदानता प्रकट करोआ

परमेशर अय्यूबो रा पुनरुद्धार करोआ