Baghlayani Bible
अय्यूब 25
शूही बिल्ददो रा वचन
तेबे शूही शईरो रे बिल्ददे ये ज्वाब दित्तेया,
“परमेशर ई राज करोआ, ओर संसारो दे आपणियां तँईं पग्ति पैदा करोआ।
से आपणे सबी ते ऊच्चे स्वर्गो दे शान्ति राखोआ।
कोई बी तेसरिया सेना1 री गिणती नि करी सकदा
ओर एड़ा कुण ए जेस पाँदे तेसरा प्रयासा नि चमकदा?
तेबे माणूं परमेशरो री नजरा रे तार्मिक किंयाँ ठईरी सकोआ?
एड़ा कुणा जो परमेशरो रिया नजरा दे पवित्र ठईरो?
देखो, चाँद बी परमेशरो री नजरा रे न्हेरा ई ठईरोआ
ओर तारे बी बिना प्रयासे रे जे ई ठईरोए।
तेबे माणूंआ री क्या गिणती! से तो कीड़ा ए,
ओर माणूं कंसल़ोई जेड़ा ए!”
Source notes (1)
- Footnote स्वर्गदूत
Baghlayani Bible. Copyright © Beyond Translation. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.