उत्पत्ति

उत्पत्ति

उत्पत्ति

परिचय

उत्पत्ति शब्द इन अर्थ आद “सुरूवात” अदिक ईद बायबल इन पुराना नियम इन पयला किताब हुन. मूल हिब्रू भी “सुरूवात दा” शब्दगोळ देल सुरू आगतद. ईद तोर्सतद कि सब कुछ येल टु बंदाद अदिक विशेष रूप देल मंळसागोळ सांगुळ परमेश्वर उन व्यवहार ह्यांग सुरू आत. ईंद विद्वानगोळ हाती आ मंळसा या मंळसागोळ बारा दा हापाळ सिद्धांत आव यार ई उत्पत्ति इन किताब लिखस्यार अदिक ईद भी कि ईद किताब याग लिख्सकु आग्याद. येनारा मंळसागोळ मान्सतार कि ईदरी 5-6 वा शताब्दी ई. स. पयले अन हापाळ पुराना कागजातगोळ दा टु संकलित माळकु आगीदाद. बेबीलोन दा दुसरा लॉकुर ई पारंपरिक मान्यता अक स्वीकार माळतार कि मूसा लगभग 1300 या 1400 साल ई. स. पयले उत्पत्ति, सांगुळ अच निर्गमन, लैव्यव्यवस्था, गिनती अदिक व्यवस्थाविवरण इन किताब लिख्सकु आग्याद.

उत्पत्ति इन किताब दा हापाळ महत्वपूर्ण जानकारी आद जो ईसाई लॉकुरी बायबल इन बाकी हिस्सा, हाळोद अदिक व्हाशोद नियम ईव येढ्ढु किताबगोळी समसोर साटी मदत माळतद. ईद नामी तोर्सतद कि पाप ई दुनिया दा ह्यांग प्रवेश माळ्याद अदिक लॉकुरी ऊंद उद्धारकर्ता अन जरूरत आद. ईद लॉकुरी ऊळसोद परमेश्वर उन योजना अक प्रकट माळतद. ईदरी यीशु अन बारा दा पयला भविष्यवाणी

रूप रेखा

1. परमेश्वर दुनिया अदिक आदम अदिक हव्वा अन रचना माळदुन.

2. आदम अदिक हव्वा, आंदुर पाप अदिक आंदुर वंशजगोळ्द वर्णन आद.

3. नूह अदिक महान बाढ़ इन बारा दा हेळकु आग्याद.

बाक नूह अन समय दा अदिक अब्राहम उन समय इन बीच दा येन आत, यदुर्दा बाबेर उन मिनार भी शामिल आद.

5. अब्राहम अदिक आऊन परिवार अदिक इस्त्राएल राष्ट्र इन सुरूवात इन बारा दा आद.

a. अब्राहम अदिक आऊन हिंग्स सारा अन जीवन

b. इसहाक अदिक आऊन हिंग्स रिबका अन जीवन

c. याकूब अदिक आऊन चिकोर्द जीवन अदिक कनान टु मिस्त्र ताका आंदुर्द‍ स्थानांतरण

d. याकूब उन पसंदीदा पार योसेफ उन जीवन मा केंद्रित आद अदिक आव मिस्त्र दा ह्यांग शासक बन्सदुन.