लेव्‌यवेवस्‌था

लेव्‌यवेवस्‌था

लेव्‌यवेवस्‌था

जानकारी

लेव्‌यवेवस्‌था नी कीताप तीहया नेमु सी बणली से जीमने भगवान मुसा नी लारे ईस्‌रायलीम ने आपलो। आहया नेमु बादा चड़ाव्‌वा अने मेळ कराव्‌वा वाळा तम्‌बु मे पुजा करवा रीती ने नेम सी करवा बारा मे से। “लेव्‌यवेवस्‌था” सब्‌द नु मतलब से “लेवीम ना बारा मे” जे तीहयु ईस्‌रायल नु कुळ से जीने भगवान पुंजारा बणवा अने भक्‌तीन घोर नी देख-भाळ करवा करीन टाळलो हतो। जानकारु नु माननु से परम्‌परा ना हीसाब सी लेव्‌यवेवस्‌था नी कीताप, अने ह़ाते पंचगर्‌ंथ कीताप ना बीजा कीताप्‌या उबजणाय कीताप, नीरगमन, गीनती अने वेवस्‌थावीवरण भगवान वगे गेथी वात केवा वाळाम नी लारे लीखली हती। आसम माने के आहयी कीताप बी आनी भणीन ईसारो करे, काहाके

लेव्‌यवेवस्‌था नी सुरुवात मे आपणु भणया के भगवान पुंजाराम ने अलग-अलग भाती नी बादा चड़ाव्‌वा ना हुकम आप्‌यो। आमनी मे गेथी थोड़ाक बादा माणहु नी बादा नी लेदे चड़ावे अने बीजी बादा खुद नी मरजी सी कोय माणेह ना भगवान ना लेदे ना मोंग ना कारण सी चड़ावता हता। कानी बी हालत मे आहयु जरुड़ी हतु के बादा चोखली अने वण-गुनाळ्‌ळी रेय, मतलब माणेह भणी गेथी वारुत रेय। आहयु पुरी रीती सी भगवान ना चोखलापणा ने देखाड़े। कीताप ना आखरी हीस्‌सा मे आहयु ह़मजाड़लु से के ईस्‌रायली माणहु अने पुंजारो कीकम चोखा री सके नीता कीकम वीटळ सी चोखा हय सके। आहयी कीताप नो खास कारण आहयो से के भगवान चोखलो से, अने कीताप मे आपला नेमु ने पाळीन ईस्‌रायली माणहु भगवान नी हजुरी मे री सकता हता।

रुपरेखा

1. अलग-अलग भाती नी बादा चड़ाव्‌वा ना हुकम आपला से।

2. हारुन अने तीना सोरा पुंजारा टाळवा ना बारा मे देखाड़लु से।

3. चोखलु अने वीटळ्‌ळु खाणु अने मंदवाड़ ना बारा मे नेमु आपला से।

4. खाणु, तीवार, वारलो वेहवार अने अराम ना सालु ना बारा मे अलग-अलग थोड़ाक हुकम देखाड़ला से।