ವಿಮೋ

ಮೋಶೆನೆ ಲೀಖ್ಯೊತೆ ವಿಮೋಚನಕಾಂಡ ಪುಸ್ತಕ

ಮೋಶೆನೆ ಲೀಖ್ಯೊತೆ ವಿಮೋಚನಕಾಂಡ ಪುಸ್ತಕ

ಮಾಲುಮ್ ಕರಾನು

ವಿಮೋಚನಕಾಂಡ ಪುಸ್ತಕ್‌ ಆದಿಕಾಂಡಮ ಶುರುಹುಯುತೆ ಅಬ್ರಹಾಮ್ನ ಕುಟುಂಬಾನ ಹಗಾಮ್ನ ಅಗ್ಗಳ್ ಚ಼ಲಾವಸ್. ವಿಮೋಚನಕಾಂಡ ಕತೊ ‘ಬಹರ್‌ ನಿಕ್ಳಾನು’ ಇಸ್ರೇಲ್‌ ದೇಖ್ಹ್‌ನ ಪಾಛ಼ುಆವಾನು ಈಜಿಪ್ಟ್ ದೇಖ್ಹ್‌ಥು ಬಹರ್‌ ನಿಕ್ಳಾನು ಖ್ಹಮ್‌ಜಾ಼ಡಸ್‍. ದೇವ್ನೆ ಅಬ್ರಹಾಮ್ನ ವಾಗ್ದಾನ್ ಕರಿರಾಖ್ಯೊಥೊ. ಪದತ್ತಿನಿಘೋಣಿ ಪಢಂತಿಖ್ಹಾರು ವಿಮೋಚನಕಾಂಡ ಪುಸ್ತಕ್‌ಥು ಜಾ಼ಖ್ಹತ್ ಭಾಗ್‌ ವಿಶ್ವಾಸ್ ಕರಸ್. ಪ್ರವಾದಿ ಮೋಶೆನೆ ಲೀಖಿರಾಖ್ಯೊಸ್ ಅಜು಼ ಪಢಾಥಿಸ್ ವತಾಳಿರಾಖ್ಯಸ್. ವಿಮೋಚನಕಾಂಡ 24:4 ಕಿಮ್ ಬೋಲಸ್. ಮೋಶೆ ಪುಸ್ತಕಾನ ಭಾಗ್‌ ಲೀಖ್ಯೊ. ಯೆಹೋಶುವ 8.31 ಮ ವಿಮೋಚನಕಾಂಡ 20.25 ಮ ಛಾ಼ತೆ ಹುಕುಮ್‌ನ ಛೋ಼ಡಿ ವತಾಳಸ್ ಅಜು಼ ಬೋಲಸ್. ಯೊ “ಮೋಶೆನ ಧರ್ಮಶಾಸ್ತ್ರ ಪುಸ್ತಕಮ” ಲೀಖೈರ‍್ಹುಸ್. ನವು ಒಪ್ಪಂದಾನನು ಲೀಖೈರ‍್ಹುಸ್ತೆ ಬೋಲಿ ವತಾಳಸ್ ಮೋಶೆ ಕೈಯೇಕ್‌ ಹಲ್ಲ ಉದಾಹರಣೆನ ಲೀಖಾನುವಖ್ಹ್‌ತೆ ಡಾಗ್‌ಮ ಶಾತ್‍ ಹುಯೂಥುಕರಿ ಬೋಲಾನು ಅಜು಼ ಲೀಖೈರ‍್ಹುಸ್. ಯೊ “ಮೋಶೆ ಪುಸ್ತಕಮ” ಲೀಖೈರ‍್ಹುಸ್. (ಮಾರ್ಕ 12:26). ಈಜಿಪ್ಟ್‌ಥು ಇಸ್ರೇಲ್‌ಮ ನಿಕ್ಳಿಆಯುತೆ ರ‍್ಹೇವ್ಣು. ಖ್ಹಮಾರ್‌ 1300 ನತರ್ 1400 ವರಖ್ಹ್‌ ಎತ್ರೆ ಪೀಛೆ 1 ರಾಜ಼ 6:1 ಮ ಬಹಾರ್‌ ನಿಕ್‌ಳ್ಯುತೆ 480 ವರಖ್ಹ್‌ ಹಗಾಮ್‌ ಚಾ಼ಲ್ಯು ಕರಿ ಬೋಲಸ್. ಇಸ್ರಾಯೇಲ್ನು ರಾಜ಼ ಸೊಲೊಮೋನನು ರಾಜ಼್‌ಭಾರ್‌ನು 4 ನ ವರಖ್ಹ್‌ನು ಪಹಿಲೆ. ಅಬ್ರಹಾಂ, ಇಸಾಕ್ ಅಜು಼ ಯಾಕೋಬನ ಇನು ವಾಗ್ದಾನ್ನ ಕಿಮ್ ಪಾಲನ್ ಕರುಕರ್ತೊಥೊಕರಿ ವಿಮೋಚನಕಾಂಡ ಜಾ಼ಖ್ಹತ್ ಬೋಲಸ್. ಆದೇವ್ನಿ ಬಾರೇಮ ಬೋಲಸ್ ಈಜಿಪ್ಟ್ ದೇಖ್ಹ್‌ಥು ಅಬ್ರಹಾಮ್‌ನ ಖಾನ್‌ಧಾನ್‌ವಾಳ ಇಸ್ರೇಲ್‌ನ ದೇಖ್ಹ್‌ನು ಮೋಟಿ ಛುಟ್ಕಾರ್ (ವಿಮೋಚನಕಾಂಡ 1-12). ಹಿಜ಼್ಜಾಥು ದೇವ್ನೆ ಇನ ಅದ್ಮಿನ ಸಿನಾಯ್‌ ಪರ್ಭತ್‌ಕನ ಬುಲೈಲಿಗಯೊ ಹಿಜ಼್ಜ ಇನೆ ಮೋಶೆನ ಕೈಯೇಕ್ ಖಾನೂಲ್‌ನ ದಿದೊ. ಇಸ್ರಾಯೇಲ್‌ವಾಳು ಪಾಡಿಚಾ಼ಲನ ವಿಮೋಚನಕಾಂಡ 12-19. ಆ ಖಾನೂಲ್‌ ಕಿಮ್ ಚಾ಼ಲ್ನು ಕಿಮ್ ಕರ‍್ನುಕರಿ ಬೋಲಾನು ಪ್ರಕಟ್‌ಕರಸ್‌. ತ್ಯಾಗಖ್ಹಾರು ಅಜು಼ ಡೇರಾನ ಘರ್‌ನ ಭಾಂದಾನ ತರೀಖಾ ಆ ದೇವ್‌ ರ‍್ಹವಾನು ಝ಼ಗೊಹುಯಿರ‍್ಹಿಥಿ. ಡೇರಾನ ಘರ್ಮ ಪೂಜ಼ಕರಾನಖ್ಹಾಜೆ ಪಿಟಾರೊ ಅಜು಼ ಇನು ಜಿನಖ್ಹ್‌ ಅಜು಼ ಯಾಜಕ್‌ನು ಪೆರ್ವಾಖ್ಹ್‌ ವಿಮೋಚನಕಾಂಡ 20-31. ಇನವಾರ್‌ ಮೋಟಿ ಜಂಗ್‌ನವಾರ್‌ ಇಸ್ರಾಯೇಲ್‌ ಎಕ್ ಕೆಲ್ಡಾನು ಖ್ಹೊನ್ನಾನು ಮೂರತ್ನ ಬಣಾಯು. ಮೋಶೆನೆ ದೇವ್ನ ಮಳ್ಯೊ (ವಿಮೋಚನಕಾಂಡ 32-33). ಪುಸ್ತಕ್‌ನ ಅಂತಿಮ್‌ ಭಾಗ್‌ಮ ಕಿಮ್ ಆ ಅಖ್ಖಿ ಚೀಜ಼್‌ನ ಫಡಿಶ್‌ಕರಿ ಪೀಠೆ ಬೋಲಿವತಾಳ್ಯತೆ ತಿಮ್ ತಯ್ಯಾರ್‌ಕರಿರಾಖ್ಯಸ್(ವಿಮೋಚನಕಾಂಡ 33-40).

ಕಾಡಿದೇಖೊ

1. ಈಜಿಪ್ಟ್ ದೇಖ್ಹ್‌ಮ ಇಸ್ರಾಯೇಲ್‌ ದೇಖ್ಹ್‌ಮ ಕಿಮ್ ಆಳ್‌ ಹುಯಿರ‍್ಹುಥುಕರಿ ಅದ್ಯಾಯ 1 ಬೋಲಿವತಾಳಸ್.

2. ಅದ್ಯಾಯ 2 ಥು 4 ಲಗು ಮೋಶೆನಿ ಬಾರೇಮ ಬೋಲಸ್ ಅಜು಼ ಯೊ ಬುಲೈರ‍್ಹೊತೆ ವೇಳ್‌ಲಗು ಇನು ಜಿವ್ಣಾನಿ ಬಾರೇಮ ಬೋಲಸ್.

3. ಇನವಾರ್‌ ಲಿಖಾಪಟ್‌ಕರಾವಳನೆ ಈಜಿಪ್ಟ್‌ಮ ಕಿಮ್ ಇನ ಅದ್ಮಿಯೇನ ಯೊ ದೇಖ್ಹ್‌ಥು ಅಜು಼ ಫರೋಹನ ಶಿಪಾಯ್‌ಥು ಛೋ಼ಡೈನ್ ದೇವ್ನ ಅದ್ಮಿನ ಪೋಚಾ಼ವನ ಮೋಟಿ ಅದ್ಭುತ್‌ ಅಜು಼ ಖ್ಹತಾಪ್ಣಿಯೇವ್ನ ದಿದೊಕರಿ ಬೋಲಿ ವತಾಳಸ್ (ಅದ್ಯಾಯ 5:15-21).

4. ಹಜ಼್ಜಾಥು ಇಸ್ರೇಲ್‌ ದೇಖ್ಹ್‌ ಸೀನಾಯಿ ಪರ್ಭತ್‌ನ ಚಾ಼ಲ್‌ಕುಚ಼್‌ ಕರ‍್ಯು (ಅದ್ಯಾಯ 15:22-19).

5. ಅದ್ಯಾಯ 20 ಥು 31 ಲಗು ದೇವ್ನೆ ಮೋಶೆನ ಕಿಮ್ ಹುಕುಮ್‌ ದಿದೊಕರಿ ಬೋಲಾನು ಫಡಿಯೇಸ್. ಅಜು಼ ದೇವ್ನು ಅದ್ಮಿಯೇ, ಇಸ್ರಾಯೇಲ್‌ವಾಳು ಕಿಮ್ ಜಿವ್ಣು ಅಜು಼ ಆರಾದನೆ ಕರ‍್ನುಕರಿ ವಾತೆಖ್ಹಾರು ಅನಾಮ ಘಣು ಛಾ಼.

6. ಮೋಶೆನೊ ಭೈ ಆರೋನನ ಪೊಖ್ಹ್‌ಲೈನ್ ಖ್ಹೊನ್ನಾನ ಕೆಲ್ಡಾನ ಮೂರತ್ ಬಣಾವನ ಇಸ್ರಾಯೇಲ್‌ವಾಳು ದೇವ್ನಿ ವಿರೋದ್‌ ಜಂಗ್‌ನ ಭೀರ‍್ಯುಕರಿ ಅದ್ಯಾಯ 32 ಮ ಲೀಖೈರ‍್ಹುಸ್.

7. ಅದ್ಯಾಯ 33 ಥು 40 ಲಗು ಮೋಶೆನೆ ದೇವ್ನಿ ಮಹಿಮೇನ ಕಿಮ್ ದೇಖ್ಯೊಕರಿ ಅಜು಼ ಇನವಾರ್‌ ಇಸ್ರಾಯೇಲ್‌ವಾಳನ ಕಿಮ್ ಬೋಲಿವತಾಳ್ಯೊ ದೇವ್ನಿ ನಿಯಮ್‌ ಅಜು಼ ಆರಾದನೆನಖ್ಹಾಜೆ ಡೇರನಾಬಿ ದೇವ್ನ ಪಿಟಾರನಬಿ ಯಾಜಕ್‌ನು ವಿಶೇಷ್‌ ಲುಂಗ್‌ಡ ಅಜು಼ ಖ್ಹಾರು ಜಿನಖ್ಹ್‌ನ ಕಿಮ್ ಕರ‍್ನುಕರಿ.