2 इतिहास

इतिहासेरी दूइयोवं किताब

लिखने बालो

इस किताबरे लिखने बालेरो पतो नईं, पन यहूदी परम्परारे मुताबिक एज्रा शास्त्री इस किताबरो लिखने बालोए।

लिखनेरी तारीक ते जगाह

ई किताब लगभग 450-425 ई. पू. मां ई किताब लिखी जेई।

इस किताबरो लिखनेरो वक्त ज़ोने बड़ो मुश्किले। इन साफे कि इस किताबरो लिखनेरो वक्त बाबेलेरे गुलैमी मरां एजनेरे बादे।

शुन्ने पढ़नेबाले

यहूदी लोक ते सब पवित्रशास्त्र पढ़नेबाले।

मकसद

इस किताबी मां जादे शमूएलेरी दूइयोवं किताबरे ते राज़ां केरि दूइयोवं किताबरे बारे मां दूइयोवं बार ज़िक्र आहे। इतिहासेरी दूइयोवं किताब धार्मिक इतिहासेरे बारे मां ज़िक्र केरतीए। दूइयोवं इतिहासेरी किताबरी शुरुआत सुलैमानेरे हुकूमतरे बारे मां भोतीए। इतिहासेरी पेइली त दूइयोवं किताब इबरैनी केरे इतिहासेरे बारे मां आहे। इस किताबी मां सुलैमानेरे राज़ केरनेरे वक्ते करां बाबेलेरे गुलैमी तगर ज़िक्र आहे। इस किताबरे दूई हिस्से आन, 1 अध्याय करां 9 तगर सुलैमाने परमेशरेरो भवन यरूशलेम नगरे मां बनाव ते परमेशरेरो जो अर्पण कियो। दूइयोवं हिस्सो 10 अध्याय करां 36 तगर ज़ैस मां उत्तर हिस्सेरे गोट्लेरे लोकेईं बगावत की ते दक्षिणी गोट्लन करां अलग भोए एन्च़रे सेइं यहूदा ते इस्राएल अलग-अलग भोए।

खास मुद्दो

इस्राएलेरी आत्मिक विरासत

रूपरेखा

1. सुलैमानेरे वक्त इस्राएलेरो इतिहास

2. रहबामे करां आहाजे तगर

3. हिजकिय्याह करां यहूदारे अन्ते तगर