Yohana

Mwatsi Mubuya wa Yesu Kirisitu

nga ko

Yohana

aandikaa

Bwingiro

Yohana yaandikaa akitabo kino kwebula mbu yakasomakyo niaimirira ku Yesu ye Kirisitu, Muala wa Ongo, na yakamwimirira ni aba na buyingo mwetsina liwe (20 :31). Yohana uyu abaa muuma mwa bemitsa ikumi na babiri ba Yesu. Yewene ailoleraa mwa mesha mewe abindu byaiandikaa mwa kitabo kino. Aandikaa akitabo kino kweasikya bobaimirire aboshe, na Bayahuti, na bandi bandu bobaimiriraa Yesu. Mwa kitabo kiwe, Yohana abwerekya ku Yesu Kirisitu ye Ongo, na kandi ku Yesu ameba mundu, apfaa kwa musalaba kwebula mbu abakotsi ba ntsambi babe na buingo bwa biro byoshe. Abinwa byoshe byo Yohana aandikaa abibwerekya ku Yesu abaa ateho mundu, wetuwe abaa kandi Ongo. Yesu ashambala mwa kitabo kino kuluenda tushingishiro tulinda na binwa binene birinda byo Yesu aneenaa kwebwerekya kwiye ye Ongo. Yesu nianabula mbu: «Ingye, ngye mukati wa buingo (6:35- 48), ngyenaletaa akyaka mwa kihuo (8:12; 9:5), ingye niri nga lukyo (10:7- 9), ngye musumba mubuya (10:11-14), ngye nipfukya abapfu nani ngye niha abandu bo buingo (11:25), ngye nchira, ngye kuli na kandi ngye buingo (14:6) ngye niri ngakuno amuti wa kuli.