Markusi

ARERA

MARKUSI

Kawio Aduna We Arera na Markusi

Arera Weweng na Markusi nina pa, kewio kangkuna retenang tonina: “Arera Weweng parari Yesus Kristusi, Allah Antung pai ainina pa.” Na Kawio Weweng ne denyawa parari Yesusi we I wo nyontarai we anekurayang kia kong wemambiri. Ne mambiri pa denyawa na totoi denyau nyontarai paya kong na ne paya we dedawa semi-semi paya pa, mae na dupirandeni sasari pa. Yesusi denyawi ne taraipai we Kumai Nyontarai we dong ne taraipai we pikika imbaro nyontarai neya entampira warui sasaripai.

Kawio parari Yesusi na weraung nini pa, soi na wedea kong anyuing wa. Yesusi ne mariwa nyaripa ai kewio kangkuna pa warui pitoai kewiora pa kong Ne anyaupa. Retenang mamo kewio katea parari Yoanesi we webaptisi kawasa pai, kong parari Yesusi webaptisi pa, kong parari Nyombatangpai soi Yesuspa. Weraung Markusi nini pai, kewio pitau parari mariwa Yesusi nyaripa, aino parari nyari nyontarai esui paya empanang pa kong parari ne anyau denyau pa. Na rirang we pui na weraung Markusinei soi parari pitaubai Yesusi deduta pa na nunei pa. Piwe baba na kawio yana pa parari Yeroi na aitabapai, keda mae tewa na kaida rarong pa eampa.

Na waya bototoi we pui na Markusi nini pai mamo we soi Arera Markusi nini soi wami, mana nyontarai eaya pei.

Arera Markusi tarainei kiutua tonina:

Repa 1:1-13

Yesusi mariwa riupa we nyotarai paya na Galilea 1:14—9:50

Yesusi ria na Galilea to Yerusalemi 10:1-52

A mingku wepui na Yerusalemi kong awa kikeu na yana pa 11:1—15:47

Yesusi tewa warui kaida pa 16:1-8

Yesusi denyawi ne tarai pai kong wieita to rora-marising 16:9-20