Markusi

KAVO VESIE NA

MARKUSI

KAVO VERA USARA PA

Nanapi Kristen vepapo pai kievo pa, surat ninei ma mua pesi ni vui, sano pa Markusi. I ma kioto Petrusi nana nie rara pai ave amamo tiopanusara Kavo Vesie pai. Pi vitosi diediawasi na Petrusi pa ma vuisi na surat ninei raro pa.

Masisi tatap surat ninei, tatap vitosi Yesus nienarisi pa e dieniniau wasi maso Nie verausari pasia pa. Yesus kievo siepara Kavo Vesie pai nanapi Allah vie pareta ariri Raja na dunia nei to manau pa. Yesus piaja so dionae vepota pasia sepanam e dietavar wainunu vekariria vesua na siniotu pasia. Veveru na Yahudi pasia seto vavera tutiri e setato kavo ave semuni. Vape diepai vurusu sia va e tiopa so sia, toapa nari ria so Yerusalem e vioru na wana, aso Nie sanepaja pai ma siwi nie tarai pai e semuni, ave amamo siniotu pasia setaisu vurusu sene tatar pasi. Manau na semuni pa tienam riwanea.

Markusi vui surat ninei ave amamo tiopana ariri Yesus ma Raja vekor Vesie paina e Allah atu paina, ave amamo siau ve tanda usara Yesus nana pi vitopi tere tata kota pa.

Nie tarai pai na surat ninei ma sesauwi ve 'Kavo Vesie', e tiopanusara Syen Yesus nie tenam pai, nanaripi pai, e aniau pai.

Kavo veve umaja nana surat ninei

Kavo vepaponia pa

Yesus nienaripi nana kasau rabua kaiwasa pasia na Galilea

Nana Galilea raso Yerusalem

Ari vipui na Yerusalem uta vena wawarira pasi

Sobata na Yesus pai

Vieruana nie tarai pai so sia, e Allah piosasana Yesus so rora wa