ଜିସାଇୟ

ଜିସାଇୟ

ଜିସାଇୟପତି

ଜିସାଇୟତି ପତିନି ଜାଣାଚିଣା

ଜିସାଇୟ ରୱାନ୍ ବେଣ୍‌ବାକ୍‌ଣାୟ୍ କିନାକାନ୍ ମାଚାନ୍ ଆରି ହେୱାନ୍ ଜିରୁସାଲମ୍‌ତ ମାଚାନ୍ । ହେୱାନ୍‌ତି ତର୍‌ନି ଅରତ୍ ଆନାତା, “ମାପ୍ରୁରାକ୍ୟା କିନାନ୍‌ ।” ଆଦେକ୍ ହେନି ଗିଆନିର୍ ପାର୍ତି କିନାର୍ ଜେ ହେୱାନ୍ ରୱାନ୍ ନିଜେ ଜିସାଇୟ ପତିଙ୍ଗ୍ ଲେକିକିତାନ୍‌ନା । ଜିସାଇୟତି ହେବା ହେ ବାର୍‌ହୁ ଆରମ୍ ଆଜ଼଼ି ମାଚାତ୍ ଇମ୍‌ଣି ସମୁତ ଉସିୟତି ହାକି ଆଜ଼଼ି ମାଚାତ୍ ଜିସାଇୟ 6:1 ଇନାକା ଆନ୍‌ମାନ୍ତାଂ 740 କ୍ରିସ୍ଟ ଆଗେ ମାଚାତ୍ । ଜିସାଇୟ୍‌ତି ତା ଜିବୁନ୍ କାଡ଼୍‌ ବିତ୍ରେ ଇ ପତି ଲେକିକିଜ଼଼ି ମାଚାନ୍ ଆରି ହେୱାନ୍ ଆନ୍‌ମାନ୍ତାଂ ଆଜ଼଼ିମାନାତ୍‌ 680 କ୍ରିସ୍ଟ ଆଗେ ଜିସି ମାଚାନ୍‌ । ପ୍ଡାନି ନିୟମିଙ୍ଗ୍ ବେଣ୍‌ବାକ୍‌ଣାୟ୍ କିନାକାନ୍ ବିତ୍ରେ ଜିସାଇୟତି ପତି ବେସି ୱାରି ମାଚାତ୍ । ଏଚେକ୍‌ଜାଣ୍‌ ଜିସାଇୟତିଂ ବେଣ୍‌ବାକ୍‌ଣାୟ୍ କିନାକାନ୍ତି ବିତ୍ରେ ରାଜା ହିମ୍‌ଣା ପା ଇଚାର୍‌ନା ।

ରୱାନ୍ ବେଣ୍‌ବାକ୍‌ଣାୟ୍‌ କିନାକାନ୍ ଆନାନା ଇସ୍ୱର୍‌ତି ବଚନ୍ ପାସ୍‌ପିସ୍ ହିତାନ୍‌ନା । ଜିସାଇୟତିଂ ହିଜ଼଼ି ଜିରୁସାଲମ୍‌ତ ଦୁଡ଼଼ିମାସ୍ତାକା (ଜିସାଇୟ 39:6) ଆରି ଇସ୍ରାଏଲ୍‌ନି ମାନାୟ୍‌ତିଂ ବନ୍ଦିତାଂ ମାସ୍‌ଦି ୱାନି ବିସ୍ରେ ବେଣ୍‌ବାକ୍‌ଣାୟ୍‌ କିତାନ୍ନା ଜିସାଇୟ 40:2-3 ଜିସାଇୟ ଇଚାନ୍ନା ଜେ ଇ ଡାଣ୍ଡ୍ ମାନାୟାର୍ ପାପ୍ କାଜିଂ ଆତାତ୍‌ନା । ଜିସାଇୟ ଦାଉଦତି କୁଟୁମ୍‌ତାଂ ରୱାନ୍ ଗାଜାରାଜାତି ୱାନିବିସ୍ରେ ପା ବେଣ୍‌ବାକ୍‌ଣାୟ୍ କିଜ଼଼ିମାଚାନ୍‌ ଜିସାଇୟ 9:7 । ପୁନିନିୟମ୍ ଲେକିକିନାକାର୍ ଜିସାଇୟ୍‌ତି ଲେକାତିଂ ବେସିହଟ୍ ଲେକିକିଜ଼଼ିମାଚାର୍ ଆରି ପାର୍‌ତି କିଜ଼଼ିମାଚାର୍ ଜେ ଇ ଗାଜା ରାଜା ଆଜ଼଼ି ଇ ଜିସାଇୟ ବେଣ୍‌ବାକ୍‌ଣାୟ୍ କିଜ଼଼ିମାଚାନ୍ ହେୱାନ୍ ଆନାନା ଜିସୁ । ଜିସାଇୟ 40:3 ବାପ୍ତିସମ୍ ଜହନ୍ ୱାନିବିସ୍ରେ ଇନାନ୍‌, ଇନେନ୍ ତା ୱାନିଦିନ୍‌ତି ବିସ୍ରେ ପର୍‌ଚାର୍ କିଜ଼଼ି ମାଚାତ୍‌ ଜିସୁତି କାଜିଂ ଜାଲ୍‌ଦି କିଜ଼଼ିମାଚାତ୍‌ ।

ଜିସାଇୟ ପତିନି ରାହାଣ୍‌;

1 ପାର୍‌ବୁ 1 ତାଂ 39 ଜିହୁଦି ମାନାୟାର୍ ବାବିଲ୍ ଦେସ୍‌ତ ବନ୍ଦିଆନି ପୁର୍ବେତାଂ ଲେକାଜ଼଼ି ମାଚାତ୍ । ଜିସାଇୟ ପତିନି ଇ ବାଗ୍‌ତ ଇସ୍ୱର୍‌ତି ବିଚାର୍ ବିସ୍ରେ ଇଞ୍ଜି ମାଚାନ୍ ।

2. ପାର୍‌ବୁ 40 ତାଂ 66 ଇସ୍ରାଏଲ୍‌ତିଂ ଆରେରଗ ର ଦେସ୍‌ ହିନାକା ଆରି ଇ ମାନାୟାର୍ କାଜିଂ ସୁସ୍ତା ବିସ୍ରେ ଇଞ୍ଜି ମାନାତ୍ ।