निर्गमन

निर्गमन

निर्गमन

परिचय

निर्गमन इन किताब अब्राहम उन पारिवारिक वंशावली इन पंक्ति इन इतिहास इन जारी ईटतद, जो उत्पत्ति इन किताब दा सुरूवात आगीत. निर्गमन शब्द इन मतलब “व्हार्या होळोद” हुन, इस्त्राएल राष्ट्र इन मिस्त्र द्याश टु व्हार्या होळोद अदिक आ द्याश दा वापस होगोद जिकर माळतद यारी परमेश्वर अब्राहम से वादा माळीदुन. परंपरागत रूप देल, विद्वानगोळ मानसोद आद कि निर्गमन इन अधिकांश किताब भविष्यवक्ता मूसा अन द्वारा लिख्सकु आगीत, अदिक हिंग हततद कि ई पाठ देल अच इदुर संकेत सिकतद.

ईद हेळतद कि मूसा किताब इन येनारा हिस्सागोळी ह्यांग लिख्सदुन.

मिस्त्र टु इस्त्राएलीगोळ्द व्हार्या होळोद लगभग 1300 या 1400 वर्ष ई. स. पयले आगीत.

अल टु परमेश्वर तान लॉकुरी सिनै पहाळी इन तलहटी दा ओतुन येल आंदुर मूसा अक इस्त्राएलीगोळ्द पालन इन साटी हापाळ व्यवस्था कोट्टुन.

बाक ऊंद भयानक विद्रोह अन बाद्दा येल इस्त्राएलगोळ पाड्डा अन रूप दा ऊंद व्हान्ना अन्द मूर्ति माळीदुर, मूसा मात्त परमेश्वर से सिकदुन. (निर्गमन 32-33) किताब इन आखरी भाग दा, नाव वाचुसदेव कि पयले उल्लिखित वस्तुगोळ्द निर्माण ह्यांग माळकु आगीत.

रूपरेखा

1. मिस्त्र द्याश दा इस्त्राएलीगोळी याता प्रकार देल गुलाम माळकु आगीत.

2. मूसा अन परिचय कोळतद अदिक आऊन आ समय ताका जीवन इन बारा दा हेळतद याग आऊक परमेश्वर उन लॉकुरी बिळसुसोर साटी कार्सकु आगीत.

3. बाक लेखक हेळतान कि ह्यांग परमेश्वर तान लॉकुरी आ द्याश टु अदिक फिरौन उन सेना देल उळसोर साटी मिस्त्र दा शक्तिशाली चमत्कार अदिक परेशानीगोळ पैदा माळदुन.

4. ईल टु इस्त्राएल राष्ट्र अन लॉकुर सिनै पहाळी इन यात्रा माळदुर.

5. परमेश्वर मूसा अक व्यवस्था कोट्टुन, यदुर दा परमेश्वर उन लॉकुरी, इस्त्राएलीगोळी ह्यांग ईरोद अदिक आराधना माळोद ईरोद, इदुर बारा दा निर्देश ईरव.

6. इस्त्राएलीगोळ मूसा अन वार्ट हारून उक व्हान्ना अन पाड्डा अन रूप दा ऊंद मूर्ति माळोर साटी मान्सकु परमेश्वर उन खिलाप विद्रोह माळदुर.

7. मूसा परमेश्वर उन महिमा अन नोळदुन अदिक बाक इस्त्राएलीगोळी परमेश्वर उन व्यवस्था अन बारा दा निर्देश कोट्टुन, अदिक सन्दूक अदिक तम्बू दा आराधना अन साटी हापाळ उपकरण, अदिक याजकगोळ विशेष कपळागोळ ह्यांग माळदुन.