यहेजकेल

यहेजकेल

लिखने बालो

इन मन्नू गाते कि इस किताबरो लिखने बालो यहेजकेले, ज़ेसेरे बाजी केरू नवं बूजी थियूं। यहेजकेल याजक भी थियो ते नबी भी थियो। तै याजकां केरे परिवारे मां यरूशलेम नगरे मां पलोरो थियो। तै भी बाबेलेरे गुलैमी मां यहूदन सेइं साथी थियो।

लिखनेरी तारीक ते जगाह

लगभग 593-570 ई. पू. मां ई किताब लिखी जेई।

यहेजकेले बाबेले मां अपने लिखनेरू कम कियूं। तैसेरी नबूवत इस्राएली, मिस्र ते बड़े पड़ोसी मुल्खन सेइं तलक रखती थी।

शुन्ने पढ़नेबाले

बाबेले मां गुलाम इस्राएली ते अपने मुल्खे मां रानेबाले सब इस्राएली ते सब पवित्रशास्त्र पढ़नेबाले लोकां केरे लेई ई किताब लिखी जेई।

मकसद

यहेजकेल एक्‍की पापी ते निकेम्मी पीढ़रे लेई सेवा केरि राहोरो थियो। तै अपने नबूवत केरनेरे सेवारे ज़िरिये अपने लोकन मन फिरानेरे ते एजने बाले वक्ते मां हिम्मतरे लेई तैन केरि मद्दत कियोरी थी। तैनी शिक्षा दित्ती कि परमेशर मैन्हु सन्देश देनेबालां केरे ज़िरिये कम केरते। चाए अस हारोरे भोम या उदास भोम, असेईं महान परमेशरे पुड़ विश्वास केरनोए। परमेशरेरू वचन सच़्च़ूए। परमेशरेरी हज़ूरी हर जगाई आहे ते तैसेरे भक्ति कोन्ची ठारी केरोतीए। यहेजकेलेरी किताब असन याद करातीए कि असेईं तैन बुरे वक्तन मां भी ज़ैखन असन एरू लग्गे कि अस टेपलोइ जेवरेम, परमेशर तोपोरो लोड़े। असेईं अपनो आप ज़ैनतां सिर्फ एक्‍की सच़्च़े परमेशरे सेइं रिश्तो रखनोए।

खास मुद्दो

परमेशरेरी महिमा

रूपरेखा

1. परमेशर यहेजकेले कुजाते

2. यरूशलेम, यहूदा ते परमेशरेरे भवनेरे खलाफ नबूवत

3. गैर कौमां केरे खलाफ नबूवत

4. इस्राएली केरे लेई नबूवत

5. दुबारां आबाद भोनेरू दर्शन