लुका
Luke
Introduction from this edition
लुका का लीखा यीशु मसी का सु-समाचार
लुका नी लीखली ईसु मसी नी खुस-खबर
जानकारी
ईसु ना बारा मे लुका नी लारे लीखली खुस-खबर, नवला कायदा ना खुस-खबर मे गेथी एक से। आहयी ईसु मसी ना जीवाय ना बारा मे देखाड़े। लुका आञे ह़ारीक ईसु ने ईस्रायली माणहु वाटु वायदो करलो मसी अने आखी कळी ना मनख्या ने सोड़ाव्वा वाळो देखाड़लो से। नवला कायदा नी च्यार कीताप “खुस-खबर” केवाये। जीनो ह़ारो से “खुस-खबर” आहयु खुस-खबर ईसु मर ज्यो अने अळतेण मत्ती, मरकुस, लुका अने युहन्ना नी लारे लीखायलु हतु। लुका ईसु ना जीवाय्न नी काहणी ना बारा मे एतरोत नी लीख्यो, पण ईसु ना चेला ना काम ना बारा मे बी लीख्यो।
आहया काम ईसु मरीन जीवतो हय ज्यो अने ह़रगे जत र्यो अने अळतेण ईसु ना चेला नी लारे करला हता। ईसु ना चेला ना काम ना बारा मे लीखली आहयी कीताप “नेवताळा ना काम नी” केवाये। ढेरेत अक्कल वाळा नु आहयु केणु से के आहयी कीताप ईसु नी पयदावारीन अळतेण ईसु ना 70 साल नी आड़े-धेड़े लीखली हती। आहयी खुस-खबर ने लीखवा वाळो लुका से। जे एक दाक्तर हतो। तीनु लीखवान घात अने बोली वापरवान घात सी पतो चाले, के आहयो भणलो माणेह हतो। लुका ईसु ना जीवाय्न ना बारा मे वीतली ह़ाची वात ने लीखवा नी हेर करीन, जेम हयु तेम ने तेम लीख्यो। आहयी वात भणे ता आपणु ने आनी ह़ाची वात ना बारा मे पतो चाले।
ईसु ना बारा मे लुका नी लारे लीखली खुस-खबर, अने ईसु ना बारा मे मत्ती अने मरकुस ना लारे लीखली खुस-खबर घणी वारु मेळ खाय। काहाके तीहयी एक रंगी से, अने एक ह़ारकी वात लीखली से। लुका आखा गेथो जादा बपतीस्मा आपण्यो युहन्ना नी पयदावारी ना बारा मे लीख्यो। लुका पाप नी माफीन पाट
रुपरेखा
1. खुस-खबर काहा लीख्यो तीनो ओळखाण आपे।
2. ईसु नी पयदावारी अने तीनी सेवा ना बारा मे लीख्यो।
3. खुस-खबर नो आखा गेथो मोटो वाटो अने ईसु ना जुदा-कामु, अने तीनी ह़ीकापण।
4. आखरी वात: ईसु कीकम मर्यो, गड़ायो अने मर्या-ह़र्या मे गेथो जीवतो हय ज्यो, अने ह़रगे जत र्यो।
Paliya Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.