युहन्‌ना

युहन्‌ना का लीखा यीशु मसी का सु-समाचार

युहन्‌ना नी लीखली ईसु मसी नी खुस-खबर

जानकारी

युहन्‌ना ना लारे खुस-खबर नी नवला कायदा नी च्‌यार कीताप्‌या मे नी एक से, जे ईसु मसी नी जीवाय ना बारा मे देखाड़े। तीहयी आखी कीताप “खुस-खबर” नी कीताप केवाय, आनु मतलब से “वारली खबर।” तीहया मत्‌ती, मरकुस, लुका अने युहन्‌ना ना लारे ईसु मसीन मरवान अळतेण लीखला हता। युहन्‌ना ना हीसाब सी खुस-खबर कंय माय्‌न नेवताळा युहन्‌ना ना लारे ईसु मसी पयदा हयवान आड़े-धेड़े 90 साल अळतेण लीखली हती। भले कीताप आहयु नी केती के लीखण्‌यो युहन्‌नो से, पण लीखावट 1 युहन्‌ना 2 युहन्‌ना अने 3 युहन्‌ना ना आक्‌सर ने तेवा से। थोड़ाक पुराणा लीखण्‌या आसम माने के युहन्‌नो तीहयी टेमे ईफीसुस ह़ेर मे रेतो हतो करीन कीताप ईफीसुस ह़ेर मे लीखी हहे।

युहन्‌नो ह़ुदो केय के आहयी कीताप नो मकसत आहयो से के माणहु ने भरहो कराव्‌वा मे मदत करवा नु से के ईसु मसी जीवत्‌ला भगवान नो सोरो से।

रुपरेखा

1. युहन्‌नो खुस-खबर नी सुरुवात करे।

2. तीनी अळतेण तीहयो ते कंय जुदा-कामु ना बारा लीखलो जे ईसु मसी करलो हतो।

3. तीनी अळतेण तीहयो ईसु नी कंय घटना ना बारा मे देखाड़े जे ईसु मसी नी मोत अने पासो जीव उठवा ना बारा मे देखाड़े।

4. युहन्‌नो खुस-खबर ने खत्‌तम करे अने कीताप लीखवा नो मकसत देखाड़े के ईसु मसी मरीन पासो जीवतो हय्‌न माणहु ने देखाव पड़े।