Nehemiya

Chitabu cha

Nehemiya

Ulongozi

Vitabu vya Ezra na Nehemia vyatamwila ivyo wantu we isi ya Izulaeli walekeeilwe kuya kwe isi yawo ya Izulaeli umo weze waheze kwila uge watahwa wa nkondo mwe izisi za Uwajemi na Babeli. Nehemia aika mtintiso wakwe mo kutamwila kwakwe ivyo ichiwambaza chizunguluke umzi wa Yelusalemu uzengigwe nkanana ya kaidi. Watakusoma walozize wa mbuliza Bibbiliya wazumila kugamba Ezila awandikaga ivitabu vya Mbuli za Mihiliomo 1 na 2, iviya na ivitabu vya Ezila na Nehemiya, hamwenga na kuvika mo kuwandwa kwakwe. Mna uneva mntu aviwandike suyo Ezila, elo, vyadahika vyadahika mntu mtuhu kavika ivitabu vino mo luwandwa kwakwe. Vyafanyanywa kugamba chitabu cha Nehemiya chaikagwa mo kuwandwa kwakwe mo mhilimo wa 430 Kulisito henati Kwelekwa. Nehemiya endaga nuyo mta undima wenye wo kumywesa seuta Alitashasita. Nehemiya amlombezaga seuta amleke auye komzi wa Yelusalemu chani akambize kuzenga iviwambaza vyo umzi wa Yelusalemu izo zendaga zibogozoka. Alitashasita kamleka Nehemiya adamanye saivyo, vikaheza nyumani niyo amsagula Nehemiya atende sekulu uko komzi wa Yudea, hantu hauzunguluka umzi wa Yelusalemu (5:14). Hata hegu kwendaga na wantu wasiku wajezaga kumchinda Nehemiya asekuzenga iviwambaza vya Yelusalemu, kwa wambizi wa Chohile, ndima iyo yahezaga kwa chipindi chjihi cha mazuwa 52 ayodu. Nyumani, Ezila niyo amwambiza Nehemiya kuwalongoza Waizulaeli kudika uhya lagano dyawo na Chohile.

Yemndani,

1. Sula 1 kubula 6 zatambalisa ivyo Nehemiya awiye Yelusalemu na kulongoza indima yo kuzenga uhya ichiwambaza cha Yelusalemu.

2. Sula 7 kubula 13 zatambalisa ivyo Waizuaeli wakongile kwikwla vituhu Yelusalemu, na kukonga vituhu kutimila sigilizi za Chohile.