Nehemiya 7

1Elo, ichiwambaza chize chiheze kuzengwa uhya na kujela izinchili, niyo wasagulwa wamizi we izinchili na wachemi na Walawi wenkigwa ndima za kudamanya. 2Sisagula wantu waidi watende vilongozi wo umzi wa Yelusalemu, mlukolo ywangu Hanani hamwenga na Hananiya sekulu ywa wata kwamila ingome, kwaviya endaga mkanuni naho amvikila Chohile kujinka watuhu walozize. 3Niyo nawagamba, “Izinchili za Yelusalemu msekuzivugula chilo chose kubula mtondo zuwa dikwela. Wamizi we izinchili wakatenda mwendima yawo wavugale izinchili na kujela mihindo umo hewenati kuhalawa. Iviya sagulani wekazi wo umzi wa Yelusalemu watende wamizi, chila yumwenga hantu hakwe na watuhu wazungulukile hajihi ne izinyumba zawo wenye.”

Ludongo lwa awantu wawiye kulawa ko usamizo.

Ezila 2:1-70

4Umzi wa Yelusalemu nendile ni mkulu na wangalamka, mna wantu wendile weyumo mndani ni wajeche, izinyumba nazo nendile hazinati kuzengwa. 5Chohile ywangu niyo aninka fanyanyi mo moyo wangu niwachisanye wakulu na masekulu na wantu watuhu chani wadongelekwe kuligana na nkolo zawo. Sibwila chitabu chiwandikwe ludongo lwa vyeleko viwandikwe mazina ya wadya wawiye nkongo kulawa ko usamizo. Ludongo lwa amazina ayo ni yano,, 6wano ni wantu wawiye kulawa ko usamizo wasamizwe na kwigalwa ni seuta Nebukadineza ywa Babeli, wauya kwemizi ya Yelusalemu na Yuda chila mntu komzi wakwe, 7wakatenda walongozwa ni Zelubabeli na Yoshuwa na Nehemiya na Azaliya na Lamiya na Nahamani na Modekai na Bilishani na Misipeleti na Bigwai na Nehumu na Baana. Ukutimila ni mligano wa ludongo lwa wantu wa nkolo za Izulaeli wawiye kulaw ko usamizo.

8Ludongo lwa wantu wa Izulaeli, welekwa kulawa mo lukolo lwa Paloshi ni wantu elufu mbili gana dimwenga milongo mfungate na waidi. 9Welekwa kulawa mo lukolo lwa Shefatiya ni wantu magana matatu milongo mfungate na waidi. 10Welekwa kulawa mo lukolo lwa Ala ni wantu magana mtandatu milongo mishano na waidi. 11Welekwa wa Pahati Moabu kujinkila kwezinkolo za Yoshuwa na Yoabu ni wantu elufu mbili magana mnane mlongo umwenga na mnane. 12Welekwa kulawa mo lukoo lwa Elamu ni wantu elufu imwenga magana maidi milongo mishano na wane 13Welekwa kulawa mo lukolo lwa Zatu ni wantu magana mnane milongo mine na washano. 14Welekwa kulawa mo lukolo lwa Zakai ni wantu magana mfungate na milongo mtandatu. 15Welekwa kulawa mo lukolo lwa Binui ni wantu magana mtandatu milongo mine na mnane. 16Welekwa kulawa mo lukolo lwa Bebai ni wantu magana mtandantu milongo midi na mnane. 17Welekwa kulawa mo lukolo lwa Azigadi ni wantu elufu mbili magana matatu milongo midi na waidi. 18Welekwa kulawa mo lukolo lwa Adonikamu ni wantu magana mtandatu milongo mtandatu na mfungate. 19Welekwa kulawa mo lukolo lwa Bigwai ni wantu elufu mbili milongo mtandatu na mfungate. 20Welekwa kulawa mo lukolo lwa Adini ni wantu magana mtandatu milongo mishano na washano. 21Welekwa wa Ateli, zina dyakwe tuhu etangwa Hezekiya ni wantu milongo chenda na mnane. 22Welekwa kulawa mo lukolo lwa Hashumu ni wantu magana matatu milongo midi na mnane. 23Welekwa kulawa mo lukolo lwa Besai ni wantu magana matatu na milongo midi na wane. 24Welekwa kulawa mo lukolo lwa Halifu ni wantu gana dimwenga mlongo umwenga na waidi. 25Welekwa kulawa mo lukolo lwa Gibeoni ni wantu milongo chenda na washano 26Iviya wantu wadya wakale wawo wekalaga mwe mizi ya Betelehemu na Netofa wauyaga wantu gana dimwenga milongo mnane na mnane 27Kulawa komzi wa Anatoti wauya wantu gana dimwenga milongo midi na mnane. 28Komzi wa Beti Azimaweti wauya wantu milongo mine na waidi. 29Kwemizi ya Kiliyati Yealimu na Kefila na Beloti wauya wantu magana mfungate milongo mine na watatu. 30Kwemizi ya Lama na Geba wauya wantu magana mtandatu na milongo midi na yumwenga. 31Kmzi wa Mikimashi wauya wantu gana dimwenga milongo midi na waidi. 32Kwemizi ya Beteli na Ai wauya wantu gana dimwenga milongo midi na watatu. 33Komzi mtuhu wa Nebo wauya wantu milongo mishano na waidi. 34Komzi mtuhu wa Elamu wauya wantu elufu imwenga magana maidi milongo mishano na wane. 35Komzi wa Halimu wauya wantu magana matatu na milongo midi. 36Komzi wa Yeliko wauya wantu magana matatu milongo mine na washano. 37Kwemizi ya Lodi Hadidi na Ono wauya wantu magana mfungate milongo midi na yumwenga. 38Komzi wa Senaa wauya wantu elufu ntatu magana chenda na milongo mitatu. 39Ludongo lwa walavyantambiko wawiye kulawa ko usamizo. Welekwa wa Yedaya, kugamba wantu we ikaya ya Yeshuwa wendaga wantu magana chenda milongo mfungate na watatu. 40Welekwa mo lukolo lwa Imeli ni wantu elufu imwenga milongo mishano na waidi. 41Welekwa mo lukolo lwa Pashuli ni wantu elufu imwenga magana maidi milongo mine na mfungate. 42Welekwa kulawa mo lukolo lwa Halimu ni wantu elufu imwenga mlongo umwenga na mfungate. 43Walawi wawiye wo ulukolo lwa Yeshuwa na Kadimeli welekwa wa Hodaviya wendaga wantu milongo mfungate na wane. 44Wachemi welekwa wa Asafu ni wantu gana dimwenga milongo mine na mnane. 45Wamizi we izinchili ze Inyumba ya Chohile we izinkolo za Shalumu na Ateli na Talimoni na Akubu na Hatita na Shobai wauya wantu gana dimwenga milongo mitatu na mnane. 46Nkolo za wandima we Inyumba ya Chohile wawiye wendaga ni welekwa kulawa mwa wano wantu, lukolo lwa Siha na lukolo lwa Hasufa na lukolo lwa Taboati. 47Lukolo lwa Kelosi na lukolo lwa Siya na lukolo lwa Padoni. 48Lukolo lwa Lebana na lukolo lwa Hagaba na lukolo lwa Shalimai. 49Lukolo lwa Hanani na lukolo lwa Gideli na lukolo lwa Gahali. 50Lukolo lwa Leaya na lukolo lwa Lesini na lukolo lwa Nekoda. 51Lukolo lwa Gazamu na lukolo lwa Uza na lukolo lwa Paseya. 52Lukolo lwa Besai na lukolo lwa Meunimu na lukolo lwa Nefusimu. 53Lukolo lwa Bakibuki na lukolo lwa Hakufa na lukolo lwa Halihuli. 54Lukolo lwa Basiluti na lukolo lwa Mehida na lukolo lwa Halisha. 55Lukolo lwa Balikosi na lukolo lwa Sisela na lukolo lwa Tema. 56Lukolo lwa Nesiya na lukolo lwa Hatifa. 57Lukolo lwa wandima wa seuta Sulemani wawiye kulawa ko usamizo ni lukolo lwa Sotai na lukolo lwa Sofeleti na lukolo lwa Pelida. 58Lukolo lwa Yaala na lukolo lwa Dalikoni na lukolo lwa Gideli. 59Lukolo lwa Shefatiya na lukolo lwa Hatili na lukolo lwa Pokeleti Hazebaimu na lukolo lwa Amoni.

60Wose chahamwenga wandima mwe Inyumba yo Chohile na lukolo lwa wandima wa seuta Sulemani wendaga wantu magana matatu milongo chenda na waidi. 61Wantu wano nawo wawiye kulawa kwe imizi ya, Teli Mela na Teli Hasha na Kelubu na Adoni na Imeli, mna vidundugika kubunkulwa kugamba ni welekwa wa Waizulaeli, 62Welekwa wa Delaya na lukolo lwa Tobiya na lukolo lwa Nekoda, chahamwenga ni wantu magana mtandatu milongo mine na mbili.

63Walavyantambiko kulawa mwe izinkolo za Hobaya na Hakosi na Balizilai, iviya wauyaga. Balizilai asolaga mchiche kulawa mwa welekwa wa Balizilai komzi wa Giliyadi, ivyo niyo aguha idizina dye idikolwa dya mkaziwe 64Wantu awo walondwa amazina yawo mwe ludongo lwa wakale wawo, mna amazina ye izinkolo zawo hayaoneke, ivyo hawazumilike kutenda mwe ndima zo ulavyantambiko kwaviya hawakuzumilika kulongozi kwa Chohile. 65Ivyo sekulu ywa Wayahudi niyo alagiza kugamba awantu awo wasekudya nkande ilavigwe kwa Chohile kubula watenda na mlavyantambiko akunga ajeseze mayuwe ya Ulimu na Sumimu chani wamanye ivyo Chohile akunga. 66Wantu wose wawiye kulawa ko usamizo wendaga elufu milongo mine na mbili magana matatu na milongo mtandatu. 67Iviya kwendaga na wandima wachilume na wachiche elufu mfungate magana matatu milongo mitatu na mfungate, naho kwendaga na wachemi wachilume na wachiche magana maidi milongo mine na washano. 68Kwendaga na falasi magana mfungate milongo mitatu na mtandatu na mpunda falasi magana maidi milongo mine na shano. 69Ngamiya magana mane milongo mitatu na shano na mpunda elufu mtandatu magana mfungate na milongo midi. 70Wakulu wa nkolo wasiku wambiza indima yo uzesi. Mkulu wo umkowa kenkiza chilo mnane za zahabu na bakuli milongo mishano za kujeseza kuzenga uhya Inyumba ya Chohile na suche magana mashano na milongo mitatu. 71Wakulu wa nkolo wasiku wenkiza chilo za zahabu gana dimwenga milongo mtandatu na mnane na chilo elufu imwenga magana maidi na milongo mishano za mayuwe ya chumbu kwachausa cho uzesi. 72Vintu vyose walavize wantu watuhu vyendaga ni chilo za zahabu gana dimwenga milongo mtandatu na mnane na chilo gana dimwenga na milongo mine za mayuwe ya chumbu na suche za walavyantambiko milongo mtantatu na mfungate.

73Ivyo, walavyantambiko na Walawi na wamizi we izinchili na wachemi na wandima mwe Inyumba ya Chohile na wantu wasiku watuhu na Waizulaeli wose wauya na kwikala mwe imizi yawo.