लुक

लूकाले लेखेको सुसमाचार

लुके ओल आकात् भागे सोमबात

ओपोरोम

लुके ओलआकात् भागे सोमबात दो ओना पोनया नावाँ निया़म रेयाक्‌ पुथिको मोद रेयाक्‌ काना, ओका जिसु मा़सियाक् जियोन बाबोत ओल आकाना। ओनाको जोतोगे भागे सोमबातको मेताक्‌आ, ओनको दो मा़सियाक् गुजुक् तायोम माथाय, मा़रकुस, लुक आर जोहान दो नोवा पुथिको ओल आकादा। लुक दो एकेन जिसुवाक् जियोन रेयाक्‌ का़हनि मोतो दो बाय ओललेदा, मेनखान उनियाक् गुजुक् आर जिवेत् बेरेदोक् तायोम ओकाको जिसु रेन चेलाकोको का़मिलेत् ओनाको बाबोतते हों मित्‌टेन पुथिये ओलआकादा ओना पुथि रेयाक्‌ ञुतुम दो आपोस का़मिको मेताक्‌आ। नोवा लुक ए ओल आकात् भागे सोमबात दो खा़टिते तिस आर ओकारे ओललेना मेनते, नोवा बाबोतते ओकोय हों बाको बाडाया, मेनखान आयमा बाइबेल पोंडितकोवाक् पा़तिया़उ लेकाते जे जिसुवाक् जोनोम खोन एयाय गेल बोछोर तायोम नोवा पुथि दो ओल आकाना।

नोवा पुथि रेन ओलोक्इच् लुक दो मित्‌टेन रारानिच्‌ए ताहेंकाना। चेत्‌ लेकाते उनि दो नोवा पुथिये ओलकेदा आर ओका पा़रसिये लाड़चाड़केदा, ओनाते नोवा बाडायोक् काना जे लुक दो मित्‌टेन ओलोक् पाड़हाव होड़े ताहेंकाना। लुक दो जिसुवाक् जियोन रेयाक्‌ खा़टि का़हनि ओलोक्ए मेनजोङकान ताहेंकाना, ओका घोटनाको चेत् लेका होयलेन ओनकागे ला़ला़इ मेनजोङकान ताहेंकाना। जेमोन उनि बाबोतरे पाड़हावकाते एटाक्‌को हों लाबको ञाम

लुक ओलाक् भागे सोमबात रेयाक्‌ नोवा पुथि माथाय आर मा़रकुस रेयाक्‌ पुथि लेकानगेया, एनते ओनको दो इना़ काथागे, एनका लेकागेको ला़इयेत् काना, पेने पुथिरे लुक दो जोहान बाबा़प्‌तिसिच् रेयाक्‌ बाबोतते जोतो खोन बाड़तिये बाडाय ओचोकाना। इका़ आर कोयजोङ बाबोतते लुक दो आ़डि मुरुकतेये बाडाय ओचोकाना

मेनाक्‌आक्‌को रेयाक्‌ गुटतेत्‌

१. लुक दो आयाक्‌ भागे सोमबात रेयाक्‌ ओपोरोम एमकाते उनि दोए ला़इयेत् काना जे उनि दो नोवा चेदाक्ए ओलकेदा? ओलोक् रेयाक्‌ जोसतेत्

२. तायोमते उनि दो जिसुवाक् जोनोम बाबोतते आर उनियाक् का़मि रेयाक्‌ सापड़ाव बाबोततेये ला़इयेत् काना

३. आयाक्‌ पुथि रेयाक्‌ सारेच्‌आक् हा़टिञरे ढेरकायते जिसु ओकाय का़मिकेत्, ओका चिनहा़को, हाहाड़ा का़मिको आर ओकाकोय चेत्‌आत्‌को ओना बाबोततेये ला़इयेत् काना

४. मुचा़त्‌रे, मुचा़त् सेनाक् बार हा़टिञरे जिसु चेत्‌लेकाय गोच्‌एना, चेत्‌लेकाय तोपा ओचोयेना आर चेत्‌लेका गोच्‌को खोने जिवेत् बेरेत्एना मेनतेये ला़इयेत् काना