निर्गमन

निर्गमन

गुलामिया ते छुटकारा

भूमिका

निर्गमन नाओं रा मतलब हांडणा या चली जाणा ए। ये इस्राएलो रे इतियासो री खास गल्ला खे बताओआ, जेतेरे बारे दे एते कताबा रे बताई राखेया मतलब इस्राएली लोका रा मिस्रो रे जेती थे तेथा ते चली जाणा ए। एते कताबा रे खास तीन इस्से ए

इस्राएली लोका रा गुलामिया ते छुटकारा पाणा ओर सीनै रे पाह्ड़ो तक यात्रा करना।

सीनै रे पाह्ड़ो पाँदे परमेशरो रा आपणे लोका साथे वादा करना, जेतेरे जरीये तिना खे जिन्दगी बिताणे रे नैतिक, समाजिक ओर तार्मिक नियम मिले।

इस्राएली लोका खे आराधना करने री जगा खे बनाणा ओर सजाणा ओर पुरोईत ओर परमेशरो री आराधना ते जुड़े रे नियम मिलणा।

खास करी की एते कताबा रे ये बताई राखेया कि परमेशरे क्या कित्तेया, जेड़ा की तिने आपणे लोक गुलामिया ते छुड़ाए ओर आऊणे वाल़े बखतो री उम्मीद करी की एक जातिया रे सेयो कट्ठे कित्ते।

एते कताबा रा खास माणूं मूसा ए, जेसखे परमेशरे इजी री खातर चूणी राखेया था ताकि से आपणे लोका खे मिस्रो ते निकयाल़ी की ल्याओ। एते कताबा रा खास इस्सा 20 वें पाठो रे दित्ती री दस आज्ञा ए।

रूप-रेखा

इस्राएलिया रा मिस्र देशो ते निकल़ना

मिस्रो रे दास

मूसे रा जमणा ओर शुरूओ री जिन्दगी

मूसा ओर हारूण मिस्रो रे राजे सामणे

फसह ओर मिस्रो ते चलणा

लाल समुद्रो ते सीनै रे पाह्ड़ो तक

व्यवस्था ओर वादा

मिलणे वाल़ा तम्बू ओर आराधना करने रे नियम