2 इतिहास

2 इतिहास

राज़ै सुलैमानो राज़ अर यहूदा मुल्खे बरैबादी

भेत

लिखणैं आल़अ: खास थोघ निं आथी पर कोऐ बोला अह आसा एज्रा लिखी दी

सन: 450 का 425 ईसा आजी

पहल़णैं आल़ै: इज़राईली

2 इति. अह कताब आसा 1 इति. कताबो दुजअ भाग। ऐहा कताबा दी आसा राज़ै सुलैमानो राज़, उतरा बाखा इज़राईलीओ द्रोह ज़ुंण जरोबामै रहबाम राज़ै लै किअ। एता आजू राज़ै सुलैमानो शोहरू राज़अ अर 586 ईसा आजी एरुशलेम नगरीए बरैबादी तैणीं यहूदा मुल्खे राज़ैओ इतिहास।

ऐहा कताबा दी लागा हाम्हां का थोघ कि एरुशलेम नगरी किहअ करै हुई बरैबाद अर यहूदा मुल्खे लोग किहै निंयैं कैद करी बाबेल देशे गलामी लै। पर ऐहा कताबा दी पहल़ा हाम्हैं खिरी इहअ कि यहूदी लै थिई अज़ी बी बापस फिरनें आशा। फारस देशे राज़ै कुस्रू दैनअ तिन्‍नां यहूदा मुल्खा लै इहअ बोली बापस एछणैं:

“हुंह फारसी माहा राज़अ कुस्रू बोला इहअ, ‘स्वर्गे परमेशर बिधाता बणाअं हुंह सोभी देशा प्रैंदै माहा राज़अ। तेऊ बिधाता सभाल़ी मुल्है ज़िम्मैंबारी कि हुंह यहूदा मुल्खै एरुशलेम नगरी तेऊ लै भबन बणांए। ऐबै तम्हां बिधाते परज़ा मांझ़ै ज़ेतरै बी यहूदा लै बापस फिरनअ च़ाहा, तिंयां लागा हांढदै, सह बिधाता रहणअ तम्हां संघै आप्पै।’”

(36:23)

कताबे बांड

राज़ै सुलैमाने राज़ा दी इज़राईल 1:1—9:31

राज़ै रहबामा पोर्ही अहाज राज़ै तैणीं 10:1—28:27

हिजकिया राज़ै पोर्ही यहूदा मुल्खे बरैबादी तैणीं 29:1—36:23