ହିତୋପଦେଶ
Proverbs
Introduction from this edition
ହିତୋପଦେଶ
ହିତୋପଦେଶ ବଇ
ହିତୋପଦେଶ ବଇ ବିସୟ୍ତାନ୍ ମାଟା
ହିତୋପଦେଶ ବଇ ଆଜିନାତ୍ ଗ୍ୟାନ୍ଦି ମାଟେଙ୍ଗ୍ ଉଣ୍ତ୍ରେବାନୁ ଉଣ୍ତାକିନିକା । ଏସ ଲୋକ୍ ରାସ୍ନିକାର୍ ଇୟା ହିତୋପଦେଶ ବଇଦୁ ରାସ୍ତେଙ୍ଗ୍ ମିସାତା ମାର୍ହାର୍, ମାତର୍ ରାଜା ଦାଉଦଦି ମାରିନ୍ ରାଜା ସଲୋମନ ଆୟାୱିଜୁଦି ମାଣାନ୍ ଏସଡ଼୍ ରାସ୍ତା ମାର୍ହାନ୍ । ସଲୋମନ ୱାନି ଗ୍ୟାନ୍ ଉଣ୍ତିଙ୍ଗ୍ ଜାଣାସିନା ମାର୍ହାନ୍, ମାରି ୧ ରାଜାବଲି ୪:୩୨ ଇନାତ୍ ଜେ ୱାନ୍ ୩,୦୦୦ ହିତୋପଦେଶ ରାସ୍ତା ମାର୍ହାନ୍ । ଆଦେଙ୍ଗ୍ ହିତୋପଦେଶ ବଇଦି ଏସଡ଼୍ ବାଗ୍ କିସ୍ଟ୍ର ପୁର୍ବେ ଦାସ୍ ବର୍ସେକ୍ତୁ ସଲୋମନଦି କଡ଼ ବେଡ଼ାଦୁ ରାସାତା ମାର୍ହାତ୍ । ଏଜିତିମାନି ବଇ ଆତିଙ୍ଗ୍ବା ହିଜକିୟ କିସ୍ଟ୍ର ପୁର୍ବେ ୭୧୫ ଦାନ୍ ୬୮୬ ସାନ୍ଦି ଜିହୁଦାଦୁ ସାସନ୍ କିନି ବେଡ଼ାଦୁ ରାସାତିକା ମାରି ପଡ଼ାତା ମାର୍ହାର୍ । ହିତୋପଦେଶ ୨୫:୧ ।
ହିତୋପଦେଶ ଆଜିନାତ୍ ଗ୍ୟାନ୍ଦି ମାଟା ଆମାକା ସତ୍, ମାତର୍ ଉନ୍ଡ୍ରି ପାର୍ମାଣାମ୍ ମାରି ବବିସ୍ୟତ୍ ମାଟାଦାନ୍ ଆଇକା । ନେସ୍ନିୱାଜା, ହିତୋପଦେଶ ୨୨:୬ ଇନାତ୍ ଜେ ଟିକ୍ ଉପାୟ୍ତାନ୍ ପସାକିତି କଡ଼ର୍ ପିରିତିଙ୍ଗାଁ ଆୟା ସାରିଦୁ ସନାର୍ । ମାରିବା, ଇୟା ହିତୋପଦେଶ ଉନ୍ଡ୍ରି ପାର୍ମାଣାମ୍ ଆଏତ୍ ଜେ ଟିକ୍ ଉପାୟ୍ତାନ୍ ପସା କିତି କଡ଼ରି ଜିବନ୍ତୁ ଇନି ବୁଲ୍ ଆଦେଙ୍ଗ୍ ଆଟ୍ଏତ୍ ମାରି ଆଏତ୍ । ମାରିବା, ଇକା ସୁଡ଼ୁନି ଇସାବ୍ତାନ୍ ସତ୍ ମୁସ୍କୁ ରାସାତି ନେଗି ମାଟା ।
ହିତୋପଦେଶ ବଇଦି ଅଦ୍ୟାୟ୍ ୧:୨-୬ ଦୁ ହିତୋପଦେଶଦି ଉଦେସ୍ତି ବିସୟ୍ତାନ୍ ଇନାତ୍ । ଉଦେସ୍ ଆଜିନାତ୍ ତିର୍ ମାରି କଡ଼ରିଙ୍ଗ୍ ଗ୍ୟାନ୍ ମାରି ଟିକ୍ ମାଟା ନେସ୍ନି ଉଣ୍ତିଙ୍ଗ୍ ସାକା କିନାତ୍, ମାରି ଗ୍ୟାନି ଲୋକାଙ୍ଗ୍ ଗ୍ୟାନ୍ କିନାତ୍ ।
ଇୟା ବଇଦୁମାନି ମୁକିୟ ବିସୟ୍
୧. ଅଦ୍ୟାୟ୍ ୧ ଦାନ୍ ୨୨:୧୬ ଆଜିନାତ୍ ସଲୋମନତି ହିତୋପଦେଶ ।
୨. ଅଦ୍ୟାୟ୍ ୨୨:୧୭ ଦାନ୍ ୨୪ ଆଜିନାତ୍ ଗ୍ୟାନିରି ମାଟା ଉଣ୍ତାକିନିକା ।
୩. ଅଦ୍ୟାୟ୍ ୨୫ ଦାନ୍ ୨୯ ଆଜିନାତ୍ ସଲୋମନତି ହିତୋପଦେଶ ମାରି ଉଣ୍ତାକିନିକା । ଇୟାୱିଜୁଦିଙ୍ଗ୍ ରାଜା ହିଜକିୟଦି ପାଣିକିନିୱାରି ମାଣାନ୍ ଉଣ୍ତା କିଆଇଆତା ମାର୍ହାତ୍ ।
୪. ଅଦ୍ୟାୟ୍ ୩୦ ଦୁ ଆଗୁରଦି ମାଟା ମାନାତ୍ ।
୫. ଅଦ୍ୟାୟ୍ ୩୧:୧-୯ ଦୁ ଲମୁଏଲଦି ମାଟା ମାନାତ୍ ।
୬. ସାରାସାରି, ଅଦ୍ୟାୟ୍ ୩୧:୧୦-୩୧ ଅରେତ୍ ନେଗି ଗୁଣୁତି ଆଇମାଦି ବିସୟ୍ତାନ୍ ରାସାତା ମାନାତ୍ ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.