ଜିସାଇୟ
Isaiah
Introduction from this edition
ଯିଶାଇୟ ବଭିଷ୍ୟଦ୍ବକ୍ତାଙ୍କ ପୁସ୍ତକ
ଜିସାଇୟ
ଜିସାଇୟ ବଇଦି ବିସୟ୍ତାନ୍ ମାଟା
ଜିସାଇୟ ଅରେନ୍ ବବିସଦ୍ବକ୍ତା ମାର୍ହାନ୍ ମାରି ଜିରୁସାଲାମଦୁ ତେବାଜିମାର୍ହାନ୍ । ୱାନି ଦରୁ ଅର୍ତ ଆଜିନାତ୍, “ପ୍ରବୁ ରକିୟା କିନାନ୍ ।” ଏସ ବାଇବଲ ପଣ୍ତିତ୍କୁ ବିସ୍ବାସ୍ କିନାର୍ ଜେ ଜିସାଇୟ ନିଜେ ଜିସାଇୟ ବଇ ରାସ୍ତାମାନାନ୍ । ଜିସାଇୟ୍ଦି ସେବା ଆୟା ବାର୍ସୁ ଆରାମ୍ ଆତାମାର୍ହାତ୍ ଆମା ବେଡ଼ାଦୁ ଉସିୟ ସାତାମାର୍ହାନ୍ (ଜିସାଇୟ ୬:୧) । ଆମାକା ଆନାତ୍ ୭୪୦ କିସ୍ଟ ଜନମ୍ ଆଗିଡ଼ି ମାର୍ହାତ୍ । ଜିସାଇୟ ୱାନି ଜିବନ୍ କାଡ଼ାଦୁ ଇୟା ବଇ ରାସ୍ତାମାର୍ହାନ୍ ମାରି ୱାନ୍ ଆନାତ୍ ୬୮୦ କିସ୍ଟ ଜନମ୍ଆନି ଆଗ୍ଡ଼ିରି ବାର୍ସୁ ସାନ୍ଦି ଜିତାମାର୍ହାନ୍ । ପାଡ଼ିଇ ନିୟମ୍ ବବିସତ୍ ମାଟା ଲଇ ଜିସାଇୟଦି ବଇ ନାଣ୍ତ ଲକୁ ନେସ୍ତାମାନାର୍ । ଏସୋ ଲୋକୁ ଜିସାଇୟତିଙ୍ଗ୍ ବବିସତ୍ବକ୍ତାରି ରାଜା ମାରିନ୍ ଇଜି ବା ଇନାର୍ ।
ଅରେନ୍ ବବିସତ୍ବକ୍ତା ଆଜିନାନ୍ ଜେ ଇୟା ମାପୁରୁଦି ବଲୁ ୱେର୍ନିକା । ଜିସାଇୟଦି ମାଣାନ୍ ମାପୁରୁ ଜିରୁସାଲାମ୍ତି ନାସ୍ଟୁ ଆନିକା (ଜିସାଇୟ ୩୯:୬) ମାରି ଇସ୍ରାଏଲ ଲୋକାଙ୍ଗ୍ ଜଇଲ୍ତାନ୍ ଡ଼େସି ସହସି ୱାନି ବିସୟ୍ତାନ୍ ବବିସତ୍ ମାଟା ୱେର୍ତାମାର୍ହାନ୍ (ଜିସାଇୟ ୪୦:୨-୩) । ଜିସାଇୟ ଇର୍ହାମାନାନ୍ ଜେ ଇୟା ଦଣ୍ତ୍ ଲକା ପାପ୍ ଉଣ୍ତିଙ୍ଗ୍ ଆତାମାନାତ୍ । ଜିସାଇୟ ଦାଉଦତି କୁଟୁମ୍ତାନ୍ ଅରେନ୍ ପେରି ରାଜାଦି ୱାନି ବିସୟ୍ତାନ୍ ବା ବବିସତ୍ ମାଟା ୱେର୍ତାମାର୍ହାନ୍ ୯:୭ । ପୁନି ନିୟମ୍ତି ରାସ୍ନିକାର୍ ଜିସାଇୟଦି ରାସ୍ତିତାନିଙ୍ଗ୍ ନାଣ୍ତ ଦେବେଙ୍ଗ୍ ୱେର୍ତାମାର୍ହାର୍ ମାରି ବିସ୍ବାସ୍ କିଜିମାର୍ହାର୍ ଜେ ଇୟା ପେରି ରାଜା ଏନ୍ ଜିସାଇୟ ବବିସତ୍ ମାଟା ୱେର୍ତାମାର୍ହାନ୍ ୱାନ୍ ଆଜିନାନ୍ ଜିସୁ (ଜିସାଇୟ ୪୦:୩) । ଡୁବନ୍ ସିନି ଜହନତି ୱାନି ମାଟା ୱେର୍ନାନ୍, ଏନ୍ ୱାନି ମାଟା ୱେର୍ସି ଜିସୁଦି ଉଣ୍ତିଙ୍ଗ୍ ସାରି ରସ୍ତାମାର୍ହାନ୍ ।
ଜିସାଇୟ ବଇଦୁମାନି ମୁକିୟ୍ ବିସୟ୍ :
୧. ଅଦ୍ୟାୟ୍ ୧-୩୯ ଜିହୁଦି ଲକୁ ବାବିଲ୍ ଦେସ୍ତୁ ତରାୟ୍ଆଜି ସନି ଆଗ୍ଡ଼ି ରାସାତାମାର୍ହାତ୍ । ଜିସାଇୟ ବଇଦି ଇୟା ବାଗ୍ ମାପୁରୁଦି ବିସାର୍ ବିସୟ୍ତାନ୍ ୱେର୍ନାତ୍ ।
୨. ଅଦ୍ୟାୟ୍ ୪୦-୬୬ ଇସ୍ରାଏଲ ମାରିଡ଼େସି ଉଣ୍ତ୍ରି ଦେସ୍ ଆନିକା ମାରି ଇୟା ଲକା ଉଣ୍ତିଙ୍ଗ୍ ସାନ୍ତି ବିସୟ୍ତାନ୍ ୱେର୍ନାତ୍ ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.