Konda Porja Bible
ଜିସାଇୟ 4
ଆୟା ଦିନ୍ତୁ ସାତ୍ ଲୋକ୍ ଆଇମେକ୍ ଅରେନ୍ ମେମାର୍ଦିଙ୍ଗ୍ ଆସ୍ସି ଇନେ, “ମାପ୍ ନିଜେଦି କାଦି ଉଣାପ୍ ମାରି ନିଜେଦି ୱାତିଗନ୍ଦା ପିଡ଼ିଗିନାପ୍; କେବଲ ନି ଦର୍ତାନ୍ ମାପୁ ୱିଙ୍ଗିଁନାପ୍; ନିନୁ ମା ଅପମାନ୍ ଆକ କିଆ ।”
ଜିରୁସାଲମ ମାରିଡ଼େସି ତିଆର୍କିନିକା
ଆୟା ଦିନ୍ତୁ ଇସ୍ରାଏଲତୁ ମାନ୍ଜିନି ଜିତିମାନି ଲୋକା ଉଣ୍ତିଙ୍ଗ୍ ସଦାପ୍ରବୁଦି ଆସା ୱେଡ଼ିକା ମାରି ଗୌରବ୍ ଆନାତ୍, ମାରି ଦେସ୍ତି ପଲ୍ ନେଗିକା ମାରି ୱେଡ଼ିକା ଆନାତ୍ । ମାରି, ପ୍ରବୁ ଏସ୍ତିୱାଲେ ବିସାର୍କିନି ଆତ୍ମା ମାରି ସିସୁକାସ୍ନି ଆତ୍ମା ଦାନ୍ ସିୟନତି ଆଇମେକା ଦସ୍ ନରନାନ୍ ମାରି ଜିରୁସାଲମତାନ୍ ଆବେଣି ନେତେର୍ ଆକ କିନାନ୍; ନାସ୍ତିୱାଲେ ସିୟୋନଦୁ ଆମାକାନ୍ ଏଜ୍ନା ମାନ୍ଜିନାନ୍ ମାରି ଜିରୁସାଲମତୁ ତେବାନାନ୍, ଇର୍ରିଙ୍ଗ୍, ଜିରୁସାଲମତି ଜିବନ୍ମାନି ଲୋକା ମାଣାନ୍ ଜେ ୱିଜେରି ଦରୁ ରାସାଇ ଆନାତ୍, ୱାନ୍ ପବିତ୍ର ଇଜି ୱେଙ୍ଗିଁନାନ୍ । ମାରି, ସଦାପ୍ରବୁ ସିୟୋନଦି ଗୋରନ୍କୁ ୱିଜୁ ତେବାନିବାଡି ମାରି ଆୟା ୱିଜୁ ସଭା ମୁସୁକୁ ୱେଡ଼େକା ବାଦଡ଼୍ ମାରି ଦୁରି ମାରି ନାଡ଼ା ବେଡ଼ାଦୁ କାସ୍ନି ସିସୁଦି ଜାୟ୍ ତିଆର୍ କିନାନ୍; ଇର୍ରିଙ୍ଗ୍ ୱିଜୁ ଦେସ୍ ମୁସୁକୁ ଲେଜୁଦି ଜାୟ୍ ଆନାତ୍ । ମାରି, ୱେଡ଼େକା ତେରେୱେଲ୍ତି ରକିୟା ଉଣ୍ତିଙ୍ଗ୍ ସିତିଡ଼ି ୱାଜା ଆନାତ୍, ମାରି ଗାଲି ନି ପିରୁଦାନ୍ ତେବାଦେଙ୍ଗ୍ ମାରି ନେଗି ବାଡ଼ି ୱାଜା ଆନି ଉଣ୍ତିଙ୍ଗ୍ ଉନ୍ଡ୍ରି ଇଲୁ ଆନାତ୍ ।
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.