योहेजकेल

योहेजकेल नी किताब

योहेजकेल कागळ्यु

उळखान

योहेजकेलोन किपात इसराएलोन नास आरु पोछो बोनावनेन वाराम भोगवानो वोगे गोथी वातोन एक किपात छे। कागळीया योहेजकेलोन वाराम जो काहिन वी पोतु छे चो किपात मा गोथो आवे। हेरी भोगवानो वोगे गोथी वातोन सेवाकाय आखी 22 साल लोगुन चाली, 7 यीशुन आवनेन पेहेल 586 मा योरुसालेमोन नास गोथो पेहेल आरु 15 साल ओवतेन। आपसा दोरसोनोन जोवाब मा, योहेजकेल काजे घोनी चिजोक कोरने कोरीन जुरुड़ी होतो जो इसराएल साते होयनो होतो। एक उदाहरण पाठ 5 मा छे जो हेनाक आपसी डाडी काटने आरु झोटा काजे 3 वाटा (5 : 1) मा वाटने कोरीन कोवलो होतो, जेरेम लिखलो होतो कि योरुसालेमोन काय होयसे।

योहेजकेलोन किपात तीन खास वाटा मा वाटलो छे; इसराएलोन नियाव, आड़े-धोड़े वावा देसोन नियाव, आरु इसराएल काजे पोछा बोनावनो। इनु आखा वाटा मा एक खास यी छे कि कोसी चिज हामु परमेश्वर काजे जानने कोरीन ओगो बोड़ावसे। योहेजकेल 60 गोथु जादा कावा इना बुलोक लिखलु छे, “तोत्यार चे सोमजी जासे की हांव योहोवा छे। चाहाय परमेश्वर नियाव कोर रोयु होये नीते इसराएल काजे पोछु बोनाय रोयु होय, हामु हेर वाराम आरु हुयो हामरे जु काय चाहाय रोयो, सीक सोकजे।”

योहेजकेलोन रुपरेखा:

पाठ 1 गोथो 24 मा इसराएल पोर परमेश्वरोन नियावोन वाराम छे।

पाठ 25 गोथो 32 मा परमेश्वर आड़े धोड़े वावा देसोन नियाव कोरे।

पाठ 33 गोथो 48 मा योहेजकेल इसराएल काजे पोछो बोनावनेन वाराम भोगवाने वोगे गोथी वात कोरे।