कहावतां

कहावतां

लिखने बालो

सुलैमान राज़ो कहावतां केरो खास लिखने बालो थियो। इन वचन्न मां (

बाकी कहावतां परमेशरेरे मुक्तरी योजनारे पासे इशारो केरतिन। इस किताबां इस्राएली लोकन परमेशरेरे बत्ती पुड़ च़लनेरो सही तरीको हिरावरोए। इन मुमकिने कि परमेशरे सुलैमान प्रेरित कियो कि तै तैन अक्लमन्द वचना केरे बुनियादी पुड़ अकोट्ठे केरे ज़ैना तैने अपने पूरे ज़िन्दगी मां लिखोरे थिये।

लिखनेरी तारीक ते जगाह

लगभग 971-686 ई. पू.

सुलैमान राज़ेरे राज़ केरनेरे वक्ते मां इस्राएले मां, कहावतां हज़ारेईं साल पेइली लिखोरे थी। इसेरे अक्लरी गल्‍लां कोन्ची भी संस्कृति कोन्ची वक्ते कम्मे एजने बैली आन।

शुन्ने पढ़नेबाले

कहावतां केरे बड़े शुन्ने ते पढ़ने बालेन। इना बच्‍चां केरे लेई रोड़ी बत्ती पुड़ च़लानेरे लेई अम्मा बाजी केरे लेई आन। जुवान मट्ठां कुइयां ज़ैना अक्लरे तोपी मां आन तैन केरे लेई भी आन। ते पवित्रशास्त्र पढ़ने बालां केरे लेई, ज़ैना परमेशरेरी भक्ति केरतां ज़िन्दगी ज़ींनी चातन।

मकसद

कहावतां केरि किताबी मां सुलैमान उच्‍चे ते महान ते आम ते रोज़ेरी ज़िन्दगी ज़ींने मां परमेशरेरी सलाही बांदो केरते। एरू लगते कि सुलैमान राज़ेरे नज़री मां कोई मुद्दो नईं बच़ोरो। व्यक्तिगत रिश्तो, जिसमानी रिश्तो, बुपार, धन-दौलत, दान, इच्छा, अनुशासन, कर्ज़ो, पालन-पौषन, चाल-चलन, शराब पीनी, सियासत, बदलो ते परमेशरेरी भक्ति ते इन सब मुद्दां केरे बारे मां तैने लिखेरूए।

खास मुद्दो

अक्ल

रूपरेखा

1. अक्लरे रोड़े गुण

2. सुलैमानेरी कहावतां

3. अक्लमन्दा केरे वचन

4. आगूरेरे वचन

5. लमूएलेरे वचन