यहोशू

यहोशू

लिखने बालो

यहोशूएरी किताबी मां लिखने बालेरू नवं साफ नईं। भोइ सकते नूनेरू मट्ठू यहोशू, मूसेरे उत्तर अधिकारी ज़ै इस्राएलेरो अगुवो भोव, तैन्ने इस किताबरो जादे हिस्सो लिखोरोए। भोइ सकते इस किताबरो अधो हिस्सो यहोशूएरे मरनेरां बाद कोन्ची होरे लिखोरोए। इन भी भोइ सकते कि यहोशूएरे मरनेरां बाद जादे हिस्से संकलन कियोरेन। इस किताबी मां मूसेरे मौती करां लेइतां यहोशूएरे अगुवो भोनेरे बारे मां वाधो कियोरे मुल्खे पुड़ ज़ींतरे बारे मां ज़िक्र कियोरूए।

लिखनेरी तारीक ते जगाह

लगभग 1405-1385 ई. पू.

इन भोइ सकते कि ई किताब वाधो कियोरे मुल्खे मां यहोशूएरी ज़ींतरे वक्ते लिखोरीए।

शुन्ने पढ़नेबाले

यहोशूएरी किताब इस्राएलेरे लेई ते एजने बाले वक्ते मां सब पवित्रशास्त्र पढ़ने बालां केरे लेई लिखी जेवरीए।

मकसद

यहोशूएरी किताबी मां वाधेरे मुल्खे पुड़ ज़ींतरे सेनारे आभियाना केरे बारे मां सर्वेक्षणे। मिस्र मुल्खे मरां निसनेरे बाद सुनसान ठैरी मां 40 साल कटनेरे बाद इना लोक वाधेरे मुल्खे मां गानेबालेन, तैन तैस मुल्खेरे लोकन हारेइतां तैस मुल्खे पुड़ कब्ज़ो केरेले। इस किताबी मां अग्रोवं लिखोरू कि करारेरे अधीन इना च़ुनोरे लोक वाधेरे मुल्खे मां केन्च़रे बस्से। इस मां करारेरे लेई परमेशरेरू वफादार भोनेरे बारे मां ज़िक्र कियोरोए, तैन केरे बुज़ुर्गन सेइं कियोरो करार ते इस्राएले सेइं कियोरो सीनै पहाड़े पुड़ पेइलो करार। पवित्रशास्त्रेरी इस किताबी सेइं परमेशरेरे लोकन अगवाई हासिल भोल्ही कि तैना अपनि एजनेबाली पीढ़न मां करारेरे लेई ईमानदारी ते अक भोइतां ते नैतिकताई मां रान।

खास मुद्दो

ज़ींत

रूपरेखा

1. वाधेरे मुल्खे मां दाखल भोनू

2. कनान मुल्खे मां ज़ींत

3. ज़मीन बन्टनी

4. इस्राएली गोट्ल अक भोतन ते परमेशरेरी भक्ति