अय्यूब

अय्यूब

लिखने बालो

इस गल्‍लरो कोन्ची पतो नईं कि अय्यूबेरी किताब केने लिखोरी थी। कोन्ची भी लिखने बालेरे बारे मां इस मां इशारो नईं कियोरो। भोइ सकते कि एक्‍की करां जादे लिखने बालेईं ई किताब लिखोरी भोए। किछ विद्वानां केरू मन्नू आहे कि मूसेरे वक्ते मां ई किताब लिखी जेई। किछ विद्वानां केरू मन्नू आहे कि मूसा ई किताब संकलन कियोरीए। इन समझ़ू गाते कि अय्यूबेरी किताब सेभना पुरानी किताबे।

लिखनेरी तारीक ते जगाह

इस किताबरे जादे तगर हिस्से बांदू केरतन कि तै बड़े वक्तेरे बाद लिखी जेवरीए, मुल्खे मरां कढनेरे वक्ते या तैसेरे अकदम बाद। एलीहू एरे बारे मां बादे मां भोइ सकते। एल्हेरेलेइ इस किताबरे लिखनेरे वक्तेरे बारे मां पतो नईं।

शुन्ने पढ़नेबाले

पुराने ज़मानेरे यहूदी त कने सब पवित्रशास्त्र पढ़नेबाले लोकां केरे लेई ई किताब लिखी जेई। इन भी मन्नू गाते कि ज़ैन लोकां केरे लेई ई किताब लिखी जेई तैना गुलैमी मां रानेबाले इस्राएली लोक थी। एरू मन्नू गातू थियूं कि मूसा तैन केरि हिम्मत बधाने चाथो थियो ज़ैखन तैना मिस्रे मां कष्ट झ़ैलने लगोरे थी।

मकसद

अय्यूबेरी किताब असन बुन लिखोरी गल्‍लां समझ़ने मां मद्दत केरतीए: शैतान आर्थिक त कने जिसमानी नुकसान न पुज़ेई सके। शैतान कुन केरि सकते ते कुन न केरि सके तैस पुड़ परमेशरेरो अधिकारे। दुनियारे दुखन मां, “किजो” इसेरो जुवाब हासिल केरनो इश्शे समझ़ी करां दूरे। दुष्टे तैसेरो फल मैल्हेलो। कधी-कधी इश्शे ज़िन्दगी मां इश्शे परखे गाने, शिक्षा या आत्मारी शेक्तरे लेई भोतन।

खास मुद्दो

दुखेरे ज़िरिये बरकतां

रूपरेखा

1. अय्यूबे पुड़ शैतानेरो वार

2. अय्यूब अपने दोस्तन सेइं बेंस केरते

3. एलीहू एरी दलील

4. परमेशर अय्यूबे पुड़ अपनि परम-प्रधानता बांदी केरते

5. परमेशर अय्यूबे दुबारां बरकत देते