1 राज़े

राज़ां केरे बारे मां पेइली किताब

लिखने बालो

राज़ां केरि पेइली किताबरे लिखेबालेरो पतो नईं पन किछ विधवान इन ज़ोतन कि इस किताबरो लिखने बालो एज्रा, यहेजकेल ते यिर्मयाह भोइ सकतन। किजोकि इस किताबी मां 400 सालन करां जादे वक्तेरो ज़िक्र आहे। इसेरे संकलने मां बड़े स्रोत कम्मे मां नेवरेन। लिखनेरो तरीको ते विषय वगेरा इन सेइं ई इशारो मैलते कि लिखने बालो अक्‍के नईं जादे आन।

लिखनेरी तारीक ते जगाह

लगभग 590-538 ई. पू.

ई किताब तैस वक्ते लिखोरी थी ज़ैखन यरूशलेम नगरे मां यहोवारो पेइलो भवन मौजूद थियो। (

शुन्ने पढ़नेबाले

ई किताब इस्राएली लोकां केरे लेई ते कने एजने बाले वक्ते मां पवित्रशास्त्र पढ़ने बालां केरे लेई आहे।

मकसद

ई किताब 1 ते 2 शमूएलेरे जुवाबेरी कथा आहे ते दाऊदेरे मरनेरां बाद सुलैमान राज़ो बन्ने करां शुरू भोतीए। इसेरी कहानी इस्राएल अक मुल्ख भोनेरे करां शुरू भोइतां तैसेरे दूई हिस्से भोने इस्राएल ते यहूदा पुड़ एइतां खतम भोतीए। इब्रानी पवित्रशास्त्रे मां राज़ां केरे पेइली ते दूइयोवं किताब अक्‍के आहे। इना किताबां ज़ैखन यूनानी भाषाई मां अनुवाद की तैखन दूई किताबां बनेई।

खास मुद्दो

इस्राएलेरे दूई हिस्से भोने।

रूपरेखा

1. सुलैमान राज़ेरू राज़

2. इस्राएलेरे दूई हिस्से भोने

3. एलिय्याह नबी ते अहाब राज़ो