Kocea

Buk pa

KOCEA

Lanyut wilok madito ma i buk man

Lanebi Kocea otito lok pa Lubanga ki i tung kumalo me lobo Icrael, inge lanebi Amoc, ikare ma onongo piny rac ma onongo peya kimayo lobo Camaria i mwaka miya abiro ki pyere aryo wiye acel, ma onongo peya kinywalo Rwot Yecu Kricito. En onongo oparo tutwal kit ma jo Icrael guloke gudok kaworo cal jogi mapol ata ma ka woro Lubanga ki me bedo lugen bote. Me weko ada me tim man onen kamaleng, Kocea onyutu man kun wok ki ikom tim pa dakone ma en onyomo ma pe lagen ma cabe atata kibedo ki co mapol ata ma en timo tim kwelekwele kwedgi. Kit macalo dakone Gomer a cito woko ki co mukeneni, i kit yo acelu bene jo pa Lubanga gia woko ki bot Lubanga ci gicito woko kaworo lubangagu mukene ducu. Piman, kibiketo pwod ikom jo Icrael bene. Kadi bed kumeno, i agikine mar pa Lubanga ma pe gik ikom jo mereni binyute makato, ma weko en bidwoko jone cen bote ka dong kibiroco wat matye ikin gi. Mar man kinyutu ilok magi: “Atwero jalowu ningning ka, wun jo Icrael? Atwero bwotowu woko kenwu ningning ka? Cwinya pida miyo pe atwero! Mar mera pirwu tye madit dok tek adada” 11:8

Lacim wilok madito ma i buk man

Nyom pa Kocea ki kwo ma i ode

Lok me juk ma kitito ikom Icrael

Lok ma kitito me ningut ki me cike