Kocea 9

Kocea otito pi pwod ma kibiketo ikom Icrael

1Wun jo Icrael, pe wubed ki yomcwiny kakwero karamawu macalo rok mukene gikwero, pien wun wuweko Lubangawu ci wudoko jo ma pe lugen ikabedo ducu. Ilaro moyo ducu, wun wucate woko bot Baal macalo lakwele cate kun wumaro timo kwele pi nongo ngano ma wutamoni Baal aye omiyo me culuwu. 2Ento kare dong cok romo ma wubibedo ki ngano ki moo Jeituni manok mo, dok bene kongo bwino bibedo peke. 3Pe wubibedo i lobo pa Rwot ento wubidok cen i Ejipt, dok wubicamo cam ma cik ogengogi i lobo Aciria. 4Pe wubiliyo kongo bwino me gitum amata bot Rwot, pe wubiyomo cwinye ki gitum mewu. Mugatiwu bibedo calo mugati pa jo ma kwero cola; jo ducu ma gucamo gidoko keni, calo kwon ma kicamo iwi lyel. Pien kwonwu bibedo me lanek kec keken, pe myero kikel wa i Ot pa Rwot. 5Wubitimo gin ango inino madito me karama, ki inino madito me woro Rwot? 6Ka man otime manongo dong guket woko ata wa i lobo Aciria, ci jo Ejipt aye bicokogi kacel kayikogi i Mempic. Jamigi ducu me ryal ma yomo cwinygi kacel ki odigi, doo ki okutu aye bimayogi woko. 71

Kare me pwodo Icrael dong oo, kare me culu adwogi me bal dong oromo; Icrael bingeyone maber atika. Pi bal mewu madwong ki adagadaga madwong omiyo wuwaco ni, “Lanebi en aye dano ma lapoya, ki dano matye ki Cwiny pa Lubanga ni odoko laming!” 8Lubanga ooro an lanebi macalo lakurpiny pa Icrael, ma gin jone, ento wun wuciko owic pa ladwar i wangayona ducu ma acito iye, dok wupongo i Ot pa Lubanga bene ki adagadaga ikom lanebine. 92Gin gudonyo i bal matut tutwal, macalo ikare me Gibea. Lubanga bipo pi tim meggi maracuni, dok biketo can ikomgi pi balgi.

Bal ma Icrael otiyo ki adwogine

103

Rwot owaco ni, “Ikare mayam anongo Icrael, onongo obedo calo nongo nyig olok ma i tim. Ikare mayam aneno kwariwu, onongo obedo calo neno nyig oduru ma pud ocako cek aceka ikarene. Ento ka yam ceng guo i Baal-peor, ci gucako miine ken gi bot cal jogi, omiyo gudoko gin ma cwiny Lubanga dag marom ki jogi ma gin giworo dok gimaroni. 11Deyo pa Icrael biket woko ata, macalo winyo ma tware, nywal bibedo peke botgi, wa gamo ic bibedo peke ki dongo ic bene bibedo peke. 12Dok kadi bed gupit lutinogi, ci abityekogi woko ducu, mo pe bidong. Ikare ma abia woko ki botgi, gin bineno can madit tutwal!

13Aketo wanga ci aneno kit ma Icrael munya macalo otit ma odongo i lobo ma ceko cam mabup maber mada. Ento kombedi dong Icrael bicwalo lutinone woko me aneka macalo lee tim. 14Ai Rwot, gin ango ma abilego ni i tim pi joni Icrael ka? Mii bot mon gi poto ic, dok wek tunugi bene obed ma otwo libeng.”

Ngolo kop ikom Icrael

15Rwot waco kit man ni, “Racgi ducu ocake ki i Gilgal, kama yam cwinya ocako kwerogi iye. Pi gin maracu ma gubedo katimone, abiryemogi woko ki i oda. Pe dok abimarogi matwal; rwodigi ducu gubedo jo ma lujemo. 16Icrael rom ki yat ma dong kireto woko piny, ma lwite oner woko, pe dong binyako nyige. Dok kadi bed ginywal, ento abineko lutinogi ma gimaroni woko.”

Lanebi oloko lok man ikom Icarel

17Lubangana ma atiyo bote bikwero jone, bibayogi woko, pien gukwero winyo loke; gibibedo lumalgang ikin rok ducu.