ኢስያሳ

ኢስያሳ ትምቢትያ

ገሉዋ

ኢስያሳ ማጻፋይ ክርስቶስ የለታናፐ ካሰ፥ ሆስፑን ጼቱ ላይ ሄራን የሩሳላመን ደኤዳ፥ ትምቢትያ ኦድያ ኢስያሳ ሱንን ጼሰቴ። አ ሱን ብለይካ፥ “ጾሳይ አሽያዋ” ግያዋ። ሀ ማጻፋ ሄዙ ሁጴ ሁጴ ክፍለቱዋን ሻኪደ በአናዉ ዳንዳዬቴ።

1. ሸምፑዋ 1ፐ ቢደ 39 ጋካናዉ ደእያዌ ገድሳ ባጋና ደእያ ይሁዳ ካዉተ አሶረ ግያ ዎልቃማ ሾሮ ካዉተይ ዎልቃንያዋ ኦዴ። ይሁዳ ሄዋ ማላ ሀዳን የጌዳዌ አሶረ ካዉተ ምኖተ ግደናን፥ አሳ ናጋራ፥ ጾሳዉ አዛዘተናን እጽያዋ፥ ሄዋዳንካ ኡንቱንቱ ጾሳን አማነተናን አግያዋ ግድያዋ እስያስ ማላቴዳ። ትምቢትያ ኦድያዌ ቆንጨ ሃሳያንነ ኦሱዋን አሳነ አሳ ካለያዋንታ ጽሎተይነ ሱረ ፕርዳይ ኩሜዳ ደኡዋኮ ስማና ማላ አኬክሴዳ፤ ቃይ ጾሳዉ አዛዘተናን አግያዌ ጋማ ሜተቱሳነ ባሻ ካለያዋ ኡንቱንቶ ምንሲደ ኦዴዳ። እስያስ ሄዋ ቦላካ ጉጂደ ኦዲደ፥ ያና ዎደቱዋን ሳኣ ዩሹዋን ሳሩ ኩሜዳ፥ ፖኮባይ ባይናን ካለያ፥ ዳዊታ ዛረ ግድያ ካቲ ያናዉ ደእያዋ ካሰቲደ ኦዴዳ።

2. ሸምፑዋ 40ፐ ቢደ 55 ጋካናዉ ደእያ ክፍልያፐ ዳርያ ባጋይ ይሁዳ አሳይ ኦሞደቲደ ባብሎነ ቤዳ ዎደ፥ ኡንቱንቱ ደኡ ኩንዴዳነ ኡንቱንቱ ህዶታ ቃንጼዳ ዎደቱዋባ ኦዴ። ትምቢትያ ኦድያዌ ጾሳይ ባረ አሳ ሄ ሀኖታፐ ብል የዳና ዎዲነ ኡንቱንቱ ኦራ ደኡዋ ዶማና ማላ፥ ኡንቱንታ የሩሳላመ አፋና ዎዲ ማታቴዳዋ ኦዴዳ። ሀ ሸምፓቱዋ ግዶን ቆንጪደ ቤትያ የዉ ጾሳይ ታርክያዉ ጎዳ ግድያዋነ ባረ አሳዉ አዉ ደእያ ሀልቹዋ፥ ሄዌነ እስራኤልያ አሳ ባጋና አንጀታናዉ ደእያ አሳኮ ኡንቱንቱ ቢደ፥ ኦናዉ በስያዋ ኦድያ ክፍልያ።

3. ሸምፑዋ 56ፐ ቢደ 66 ጋካናዉ ደእያ ክፍሊ ኦድያዌ ጉየን የሩሳላመን ደእያ አሳዋ፤ ሄ አሳይ ጾሳይ ባረ አሳዉ ገሌዳ ቃላ ፖላናዋ ጌሺደ ኤራናዉ፥ ማርካ ግድያባ ደማናዉ ኮዪደ ኡቴዳ። ኡንቱንቱ ሎይ ኦናዳን ኮየቴዳ ኦሶቱ ጽሎተ፥ ሱረ ፕርዳ፥ ሳምባታ ቦንችያዋ፥ ያርሹዋ ያርሽያዋነ ዎሳን ሼክያዋ። ሀ ክፍልያን ኤረቴዳ ሸምፑ 61:1-2 ደእያዋ ግድሽን፥ የሱስ ኮይሮ ኦሱዋ ዶሚደ፥ ባረ ጼሳባዉ ማርካ ኦደ ሺሼዳ ቃላቱ ሀ ፓይዶቱዋ ግዶን ደኢኖ።

ሸምፓቱዋ ኡባቶ እመቴዳ ቃን ቆፋቱዋ

ገሉዋ

ይሁዳዉነ እስራኤልያዉ አዳ ኪታቱዋ

ኢስያሳ ኦሱዋን ቤቴዳ የዎቱዋ

ይሁዳዉነ እስራኤልያዉ ጉጃ ኪታቱዋ

ጾሳ ሙራይ ሀራ አሳቱዋ ቦላ

ዋየትያ እስራኤልያ አሳቶ ህዶታ ኪታ

ጾሳይ ማካላንቻ አሳ ሙርያዋ ግዱሳ

ጾሳይ ኤዶማ ሙርያዋ እየሩሳሌሞ አንጅያዋ ግዱሳ

አሶራ፥ ባብሎና፥ ካትያ ህዝቂያሳነ ኢስያሳ

ጾሳይ ባረ አሳ አሽያዋ ግዱሳ

ጾሳ ሀጋዝያዋባ

ጾሳይ እሜዳ ህዶታ ናግያዋ ግዱሳ

አሳ ዛሪ ኡባይ ጾሳ ባጋ ግዳናዉ ዳንዳዩሳ

ጾሳዉ አማነተና ካለያዋንቱ ሙረትያዋ

የሩሳላመ ስን ቦንቾ ህዶታ

ጾሳ ኦራ ማላልስያ መታ