Jo Ibru

Waraga ma Kicoyo bot

JO IBRU

Lanyut wilok madito ma i buk man

Buk man pe ocake kit ma kicako kwede waraga mapol matye i Baibul, ento i agikine laco buk man ogiko calo giko waraga. En bene ocoyo buk man malube ki tekwaro pa Lujudaya.

Laco buk man ocoyo bot utmego ki nyimego ma oye Yecu Kricito ma onongo gin tye ki atematema mapol ma a ki bot jo ma dag lok pa Lubanga. Ma oweko niye pa jo mukene ocako doko goro.

Laco buk man ocoyo ki diro kun cano kore ki kore lok ducu mapatpat.

En ocuku cwiny utmego ki nyimego me cung matek i niyegi kun nyutu atir botgi ni Yecu Kricito lanyut me agiki ma oa ki bot Lubanga. Man en onyutu i yo adek mapatpat.

Me acel Yecu Kricito obedo latin pa Lubanga ma lawiny, dok omwole wa i to. Macalo latin pa Lubanga Yecu Kricito dit kato lumalaika ducu dok bene loyo Moses ki lunebi mukene ducu. Me aryo Lubanga oyere me bedo ajwaka pa Lubanga maloyo ajwaki mukene ducu, dok en birii matwal. Me adek Yecu Kricito okoko dano ki i bal ki i lworo to.

Laco buk man ocuku cwiny utmego ki nyimego me bedo ki niye matek macalo jo macon ma gin gubedo ki niye matek ci oweko Lubanga opwoyogi.

En odolo te coce kun cuko cwiny utmego ki nyimego me bedo ki niye matek kadi bed atematema twero bino botgi.

Lacim wilok madito ma i buk man

Yecu Kricito layab madit me agiki ma a ki bot Lubanga

Yecu Kricito dit loyo lumalaika ducu

Yecu Kricito dit loyo Moses ki Yocwa

Yecu Kricito loyo ajwaki pa Lubanga ducu

Yecu Kricito dit loyo gicike ducu

Yecu Kricito gitum maloyo gitum mukene ducu

Niye loyo jami ducu

Yomo cwiny Lubanga

Lega me agiki

Lok me agiki