Jo Ibru 4

1Pimeno cike me donyo i yweyo pa Lubanga pud tye, ento myero wabedu ma wagwoke, wek ngat mo ki ikinwu pe kinong ni opoto woko me oo iye. 2Wan dong wawinyo lok me Kwena Maber bene calo gin, ento lok me kwena ma gin guwinyo pe okonyogi, pien pe gujolo ki niye. 31 Wan jo ma waye aye wabidonyo i yweyo meno mayam en oloko pire ni,

“Macalo yam akwongo ki kiniga ni,

‘Gin pe bidonyo i yweyo bota.’”

En owaco man kadi bed tice onongo dong yam otum woko cake i acaki piny. 42 Pien tye kamo kama yam en oloko ikom nino me abiro ni meno, “Lubanga oywe inino me abiro ki ikom tice ducu.” 53 Ka dok kany en bene oloko ni: “Gin pe bidonyo kayweyo bota.” 6Kitmeno yo pud tye twolo wek jo mogo gudony iye. Jo mayam kikwongo tito botgi lok me Kwena Maber pe gudonyo, pien gin gukwero bedo ki winy. 74 En dok oketo nino mukene ma kilwongo ni, “Tin,” kun oloko lacen ki i dog Daudi madong onongo okato kare malac ata, ilok ma nene waloko pire ni,

“Ka wuwinyo dwone tin,

pe wubed lujemo.” 85

Pien ka kono yam Yocwa omiyogi yweyo, kono Lubanga pe dok oloko lacen pi nino mukene. 9Pimeno, yweyo me ceng Cabit pud tye pi jo pa Lubanga; 106 pien ngat madong odonyo i yweyo bot Lubanga nongo dong oywe woko ki i tice, calo Lubanga mayam oywe ki i ticeni.

11Dong piman, myero wayele me donyo i yweyo meno, wek omii ngat mo pe dok opot woko pi kwero bedo ki winy calo gin. 12Pien lok pa Lubanga obedo gin makwo, dok tiyo matek, bit bene kato pala lucwan ma lebe bit ryoryo woko. Lok meno tucu iwa pil, tuc tungcel kama tipu ki cwiny gurwate iye, nyo kama wang mwot orwate iye ki moo ma i icogo, kun poko par ki tam mabecone ki maracune matye i idano. 13Petye gin mo mukane ki bot Lubanga ma en pe neno, jami ducu ma en oketo odure woko kamaleng i wange, en aye ngat ma wabinyutu ticwa bote.

Yecu en ajwaka pa Lubanga madit

14Kit macalo dong watye ki ajwaka madit pa Lubanga tutwal madong otyeko donyo i polo, en Yecu, Wod pa Lubanga, pimeno omyero wamok matek i niye ma watucu. 15Pien ajwaka madit ma watye kwede pe obedo ngat ma pe winyo arem kacel kwedwa pi gorowa, pien en bene Catan yam obite i yo ducu calo wan, ento en pe omedo ki timo bal mo. 16Eyo, wan myero dong wanyiko cok inyim komker pa Lubanga ki tekcwiny, kama kica tye iye, wek otimwa kica, wanong bene kica ma konyowa ikare mamite.