Jo Ibru 5

1Pien ajwaka madit pa Lubanga acel acel kiyero ki ikin lwak, ka kikete me tiyo tic inyim Lubanga ma ka kagi, kun tyero mot ki gitum pi bal. 2En twero tic ki dano ki mwolo, dok ki wa jo ma kwiya piny ki jo mungak, pien en kikome bene onongo goro oketo kome woko. 31 Piman, en myero otyer gitum pi bal ma mege, kacel ki pi bal pa lwak. 42 Dok bene pe tye ngat mo ma yere kene pi dit man, kono Lubanga aye ma lwonge iye, macalo olwongo Aron. 53

Kitmeno bene, Kricito yam pe oketo deyo ikome kekene me bedo ajwaka madit pa Lubanga, ento Lubanga aye ma oyere, kun owace ni,

“In i Woda,

tin dong anywali.” 64

En bene owaco kamukene ni,

“In ibedo ajwaka madit pa Lubanga nakanaka,

ikit pa Melkijedek.” 75

Yecu yam ocwalo legane bot Lubanga, ikare me kwone i lobo man, en aye obedo ngat mayam twero lare ki i to, kun bako doge ma pe twere ki koko ki pig wange, ci Lubanga bene owinye pi mwolone bote. 8Kadi bed en obedo Wod pa Lubanga, yam en opwonye me bedo ki winy pi can ma en dong oneno. 9Ka dong en oteggi ci Lubanga omiyo en odoko ngat makelo lare ma pe tum bot dano ducu ma winyo en. 10Medo ikom meno, Lubanga cut oyere me bedo ajwaka madit ikit pa Melkijedek.

Ciko jo ma mito ngak woko

11Watye ki lok mapol ma myero walok wunu ilok man, ento tek tutwal me niangowu, kit macalo wun dong wudoko nyap ka winyo lokwani. 126 Kombedi onongo dong wuromo bedo lupwony, ento myero ngat mo kong dok opwonywu odoco ilok mukwongo ma dok ikom lok pa Lubanga. Mito kipitwu kong ki cak, ento pe cam matek. 13Pien ngat ma doto cak pe tye ki ngec mo ma dok ikom bedo ki kit ma atir, pien nongo pud en latin, ma pe twero poko gin maber ki ikom marac. 14Dong cam matek tye pi jo muteggi, ma ryekogi ma gupwonye kwede me poko gin maber ki gin marac dong ojing pi ketone i tic.