Jo Ibru 9

Kabedo maleng me lobo ki me polo

1I gicike mukwongo ca yam obedo ki cik mogo me woro Lubanga, ki kabedo mo maleng ma i lobo man. 21 Pien yam tye kema ma kiyubu, ma obedo ki dul acel yo tung woko ma kilwongo ni Kabedo Maleng, matye iye lacib mac, ki meja, ki mugati ma kiketo inyim Lubanga. 32 I nge bongo kicika me aryo yam tye iye kema ma kilwongo ni Kabedo Maleng Makato Ducu. 43 Keno tyer ma kitiyo ki jabu tye iye kunu me wango odok eceta, ki Canduk me Gigike ma kimwono kome woko ki jabu. I Canduk me Gicike yam tye iye abino jabu ki manna ki odo pa Aron mayam olot ti, ki got ma apada aryo ma ceng kicoyo iye lok me gicikene. 54 Ka wi canduk yam tye iye lukerubi me deyo, ma guumu kom me kica woko ducu ki bwomgi. Jami magi pe watwero loko gin mo iye matut kombedi. 65

Meno aye kit mayam kiyubu kwede. Ajwaki pa Lubanga yam gidonyo i kema jwijwi teretere ka cobo ticgi me woro Lubanga. 76 Ento kema me aryo ajwaka madit pa Lubanga keken aye donyo iye kene, dok bene donyo iye kicel keken i mwaka acel acel, kun pe cito kunu labongo remo, ma en tero me atyera pi bale ki pi bal pa lwak. 8Man aye mamiyo Cwiny Maleng nyutu kamaleng ni, yo me donyo i Kabedo Maleng peya kiyabo ka kema mukwongo ma woko ca pud ocung. 9Man aye cal gin ma nyutu kit me kare man. Man teloke ni, mot ki gitum ma kityero bot Lubanga pe twero miyo ngat mo ma woro Lubanga doko dano ma cwinye leng. 10Pien gitiko ka kit me cam ki mat ki kit lwoko mapatpat. Magi ducu gubedo cik ma nen ki woko me kom matye katic nio wa ikare ma Lubanga biloko jami ducu bedo manyen.

11Ento Kricito dong obino, ma en aye ajwaka madit pa Lubanga me jami mabeco ma bibino, kema ma en tiyo iye kato maca, odoko dit maber makato maca, pien pe kitiyo ki cing, ma teloke ni, pe gin me lobo man. 12En odonyo i Kabedo Maleng Makato Ducu kicel keken madong otyeko lok woko ducu, kun pe otero remo dyegi ki remo lutino twoni, ento otero remone kikome, ci okokowa kwede dong matwal. 137 Remo dyegi ki twoni, ki buru roya ma kiwango, ka kikiro ikom jo ma gubalo kwer, romo lonyogi, kun lwoko komgi bedo maleng. 14Remo pa Kricito mono pe kato maca mada? Pi Cwiny Maleng ma bedo matwal, omiyo en omine kene bot Lubanga kun roc mo pe ikome, pi lonyo cwinywu ma onongo dong ocido woko macol licuc pi tiyo tic ma kwo pe iye, wek wubed ma iwu leng, ka dong wawor Lubanga makwo.

15Pimeno Kricito aye ngat ma yubu gicike manyen, wek emii jo ma gilwongogi gunong ginaleya ma rii nakanaka ma Lubanga ociko pire me miyone; pi to mayam oneno, omiyo jo mayam gikalo wi cik ite gicike mukwongo kombedi dong kikokogi woko. 16Pien kama gicike me ginaleya tye iye, omyero kong kimok ni, ngat ma ociko ni dong oto. 17Kodi gicike macalo meno twero tic lacen ki inge to keken; gicike ni pe tye ki twer mo ka ngat ma ociko ni pud kwo. 18Pimeno kadi wa gicike mukwongo ca kimoko ki remo. 198 Pien ikare mayam Moses otyeko tito bot lwak gin ma kiciko ducu matye i Cik, en bene okwanyo remo roci dyangi ki dyegi, kacel ki pii, ki yer romo makwar, ki yat anyero, ci okiro ikom buk kikome, ki ikom lwak ducu bene, 20kun waco ni, “Man aye remo me gicike ma Lubanga ocikowu pire.” 219 Dok i yo acelu, Moses okiro remo ikom kema ki jami ducu ma kitiyo kwedgi me woro Lubanga. 2210 I te cik, nen calo jami ducu kilonyo woko ki remo; kama pe kioyo iye remo, weko bal bene bedo pe iye.

Kricito obedo gitum ma kwanyo bal

23Onongo opore dok kakare pi jami ma obedo lapor keken me gin matye i polo ni myero kilonygi gubed leng kitmeno, ento jami me polo kikomgi myero kilonygi ki gitum mabeco makato magigu ducu. 24Pieno Kricito pe odonyo i Kabedo Maleng ma dano otiyo ki cing, ma ki poro ki Kabedo Maleng ma obedo me adane, en odonyo i polo kikome, ma ikare man en tye ka nen kunu inyim Lubanga dok pido pirwa. 25Dok bene en pe odonyo me miine kene kare ki kare calo ajwaka madit pa Lubanga ma gidonyo i Kabedo Maleng mwaka ki mwaka kun tero remo ma pe remone kikome. 26Ka nene obedo kitmeno, kono en onwoyo to kare ki kare cake i acaki piny. Ento kit matye kwedeni, en onen kicel keken i agiki me kare wek ekwany bal woko pi miine kene macalo gitum. 27Dok kit macalo giyubu ni, dano to kicel, ka dong ki ingeye ngolo kop cake, 2811 kitmeno Kricito bene otyere kene kicel me tingo bal pa jo mapol, dok binen tyen me aryo, pe dong pi tic ikom bal, ento pi laro jo matye ka kure.