Jo Ibru 11

Niye

1Niye aye ma moko gin ma dano geno, en gin ma niangowa maber ni, jami ma pe kineno komgi gitye ada. 2Lubanga ceng opwoyo jo macon pi niye. 31

Pi niye waniang ni, Lubanga yam ocweyo lobo kulu ki loke, ma omiyo gin manen kitiyo nia ki ikom gin ma pe nen. 42

Pi niye Abel otyero gitum maber makato pa Kain woko bot Lubanga; meno omiyo kipwoye ni kite atir, kun Lubanga aye obedo cadene pi gamo mote. En oto, ento pi niyene omiyo en pud loko. 53

Pi niye omiyo Enoka yam kitingo kitero woko malo wek pe obil to. Pe kimedo ki nongone, pien Lubanga onongo dong otere woko. Ikare ma pud peya kitere, kimiyo lok me caden ikome, ni oyomo cwiny Lubanga. 6Labongo niye pe twere me yomo cwiny Lubanga, pien ngat ma mito nyiko cok bot Lubanga myero oye ni en tye ada, dok bene ni en miyo mot bot jo ma yenye. 74

Pi niye Nua bene, ka Lubanga ociko en pi gin ma peya onen, en owinyo doge, ka dong opayo yeya pi laro jo me ode. Pi niyenenu omiyo rankop oloyo lobo, oweko en onongo kit ma atir ma obino pi niye. 85

Pi niye Abraim owinyo dog Lubanga ikare ma olwonge me cito i lobo mo mukene ma onongo yam Lubanga mito miine ni obed mere. En oa ki i lobo tugi kun pe ngeyo kama ecito iye. 96 Pi niye omiyo en obedo macalo welo i lobo mayam Lubanga ociko pire, macalo ebedo i lobo pa lurok, kun bedo i kema, kit ma Icaka ka Yakobo bene yam gubedo, ma gin bene kimiyogi kit cike acelu. 10Pien Abraim onongo tye ka kuru gang ca matye ki gutine ducu matek, ma Lubanga aye obedo ngat mugoyo calle, ki lagedone kikome. 117

Pi niye omiyo Cara onongo tek me yaco, kadi bed mwaka me nywale onongo dong okato woko. Man otime pien en otamo ni, ngat ma ocikoni gene. 128 Man omiyo ikom laco acel, mayam rom ki ngat ma oto, oa iye lwak likwayo mapol ata calo lakalatwe me polo, ki dok calo kweyo me dog nam ma kwanone loyo dano wokoni. 139

Jo magi ducu guto kun gitye ki niye ikom gin ma ceng Lubanga ociko pire botgi. Gin pe gunongo gin ma kiciko ca ento guneno anena ki kamabor, ci gujolo ki cen. Gin bene gutucu ni gin gibedo macalo lurok dok welo oring ayela iwi lobo. 14Pien jo ma loko lok kitmeno ginyutu kamaleng ni gitye kayenyo lobo tugi kikome. 15Ka kono nene gubedo ka tamo pi lobo mayam gin gua ki iye ca, kono gunongo yo me dok woko cen iye. 16Ento gin gitye ka paro pi lobo maber makato maca ca woko, en aye pacogi ma i polo. Pimeno lewic pe mako Lubanga kace gin lwonge ni Lubangagi, pien en dong otyeko yubu botgi gang.

17Pi niye Abraim, ka yam kiteme, otyero Icaka macalo gitum bot Lubanga; ngat ma Lubanga ocike bote oyube me tyero wode acel keken macalo gitum bot Lubanga, 1810 mayam giloko pire ni, “Lutino pa Icaka aye kibilwongogi ni likwayu.”11 19En onongo otamo ni, Lubanga tye ki twero me cero dano ki ikin jo ma oto; dok bene kitwero waco ni Icaka odwogo i cing Abraim calo oa ki ikin jo ma oto. 2012

Pi niye Icaka olamo gum ikom Yakobo ki Ecau pi kare me anyim. 2113

Pi niye Yakobo bene, ka dong cok ka to, olamo gum ikom lutino pa Yucepu, kun lamo ikom latin acel acel, ma okulu wiye iwi odo me komone, kun woro Lubanga. 2214

Pi niye Yucepu, i agiki me kwone, oloko pi a pa jo Icrael ki i Ejipt, ka dong ociko pi tingo kom lyele ma oto ni wek kiter woko i lobo Kanaan ka jo Icrael a ki Ejipt. 2315

Pi niye, kayam kinywalo Moses, ci lunyodone gukane pi dwe adek kun pe gulworo cik pa rwot Parao, pien onongo guneno ni latin ca ber mada. 2416

Pi niye Moses, ka dong odongo, pe oye ni omyero kilwonge ni en e wod pa nya pa Parao, 25kun oyero me neno can kacel ki jo pa Lubanga ma ka bedo ki yomcwiny i timo bal ma rii pi kare manok mo keken ni. 26En otamo ni yet ma giciro pi Kricito obedo lonyo madit makato lonyo ducu matye i Ejipt, pien onongo ociko wange kun neno mot me kare me anyim.

27Pi niye Moses oa woko ki i Ejipt kun pe olworo kiniga pa rwot; ociro matek, macalo en neno Lubanga ma pe nen. 2817

Pi niye bene omiyo Moses okwero Nino Madit me Kato, dok okiro remo, wek omii lanek lutino kayo pe ogudgi. 2918

Pi niye jo Icrael gungolo Nam Makwar macalo giwoto ki iwi ngom mutwo; ento jo Ejipt gumwony woko liweng i nam ikare ma gin bene gutemo me kato kitmeno. 3019

Pi niye omiyo cel me Jeriko orete opoto woko piny madong jo Icrael gurumu pi nino abiro. 3120 Pi niye Rakab ma obedo malaya pe oto kacel ki jo ma pe gubedo luwiny, pien onongo en yam ojolo lurotpiny ki kuc. 3221

Gin ango makato meno ma dok amede me lokone? Pien kare aye bibedo nok bota me titiwu pi Gideon, Barak, Samson, Jeputa, Daudi, Camuel ki lunebigu, 3322 ma gin bene pi niye omiyo gulwenyo ki luker me lobo mapatpat, guloyogi, gutiyo gin matye atir, ci gunongo gin mayam Lubanga ociko pire. Gutweyo dog labworgu woko, 3423 guneko mac mager woko, gubwot ki ilak pala lucwan. Gorogi oloke odoko tekom, gudoko jo matek i lweny, ci guryemo mony pa lurok woko. 3524 Mon gunongo danogi mayam gin oto madong gucer woko. Jo mukene kigoyogi marac, guto kun gukwero ni pe kigonygi, wek gibicer i kwo maber makato. 3625 Jo mukene kingalogi, kipwodogi, kitweyogi ki nyor ci kiketogi i buc. 3726 Kicelogi ki got, kinguno igi woko i dul aryo ki mucumeno, kinekogi ki pala lucwan. Gin gulongo piny kun guruku laa romi ki laa dyegi, ma nongo can oketo komgi woko, dano ounugi dok kitimogi ki tim maracu. 38Kit jo macalo meno lobo onongo dong pe ber pirgi. Gubedo kawot awota atata i tim calo oring ayela, ki iwi godi, kun gibedo iboro ki bur mugware matut piny i ngom.

39Jo magi gingene maber pi niyegi, ento dok pe gumedo ki nongo gin mayam Lubanga ociko pire, 40pien onongo Lubanga oyubu gin mo maber makato kun otamo pirwa, ni meno, gin pe myero gudok jo mabeco muteggi labongo wan.