Ezila

CHITABU CHA

EZILA

ULONGOZI

Ivitabu vya Ezila na cha Nehemiya chatambalisa ivyo Wayahudi wauyaga kulawa uko wasamizizagwa uko Babeli na Uwajemi. Ezila kahikiliza ivyo nawaizenge uhya Inyumba ya Chohile uko Yelusalemu. Wasomi walozize wazumila kugamba Ezila nuyo awandike ichitabu cha nkongo na chakaidi cha Mihilimo iviya ichitabu cha Ezila na Nehemiya. Hegu suyo Ezila vyadahika mntu mtuhu nuyo achisanye na kuwandika ntamulizi ze ivitabu ivyo. Chitabu cha Ezila vyadahika kutende chawandikagwa mwe imihilimo ya magana mane milongo mine Kulisito henati kwelekwa. Mna izintendele izintuhu ze ichitabu chino zawandikagwa mwe chipindi chituhu.

Chitabu chino cha Ezila chalagisa ivyo Chohile amtendile seuta Koleshi ywa Uwajemi awalekeile Waizulaeli wauye kweisi yawo na kuizenga uhya Inyumba ya Chohile. Uko kwendaga ni kuchintiza uwoni wa Yelemiya. Kaula Yelemiya sula 29 na 10 na 14. Kwendaga na wankondo wajezaga kuchinda kuzenga uhya Inyumba ya Chohile hata kwendaga na chipindi indima ya Chohile naichimala, hata viyo Waizulaeli niyo wadaha kuizenga Inyumba kwa wambizi wa Chohile, iviya Ezila kawalongoza Waizulaeli kweila amasa yawo na kumhitukila Zumbe Chohile. Uko nako kwendaga na kudamanywa uhya idilagano dyawo dyo kutimila izisigilizi za Chohile.

Yemndani

Chitabu icho chakonga kwa kutamwila ivyo seuta Koleshi awalekeile Waizulaeli wauye kwawo na kudongeleka izinkolo ivyo wawiye, sula ya nkongo na yakaidi.

Vikaheza chatambalisa ivyo Inyumba ya Chohile uko Yeleusalemu izengigwe, sula ya katatu na mtandatu.

Vikaheza ichitabu chino chatambalisa ivyo Ezila awiye Yelusalemu hamwenga na kaya za wantu watuhu sula ya mfungate na mnane.

Mo udumo ichitabu chatamwiloa ivyo waizulaeli wadamanye ivyo Waizulaeli wadamanye uhya lagano na Chohile sula ya chenda na yamlongo.