Ezila 2

Ludongo lwa awantu wawiye kulaila kousamizi Nehemiya 7:4-73

1Wano nawo awantu we isi ya Izulaeli walaile kousamizo wadya Nebukadineze seuta ywa Babeli awegalaga watahwa Babeli saviya wafungwa, niyo wauya mwe isi ya Yelusalemu na mwe isi ya Yuda, chila mntu auyaga ko mzi wakwe. 2Ivilongozi wawo wendaga ni Zelubabeli na Yeshua na Nehemiya na Selaya na Leelaya na Modekai na Bilishani na Misipali na Bigwai na Lehumu na Baana.

Zino ni zinkolo za awantu wa Izilaeli wawiye kulawa kousamizo, 3wolukolo lwa Paloshi ni, elufu mbili gana dimwenga na milongo mfungate na waidi, 4Wantu wo lukolo lwa Shefatiya ni, magana matatu milongo mfungate na waidi, 5wantu wo lukolo lwa Ala ni, magana mfungate na milongo mfungate na washano, 6wantu wo lukolo lwa Pahashi Mmoabu kugamba welekwa wa Yeshua na Yoabu ni elufu mbili na magana mnane na mlongo umwenga na waidi, 7wolukolo lwa Elamu ni elufu imwenga na magana maidi na milongo mishano na wane, 8wantu wo lukolo lwa Zatu ni, magana chenda na milongo mine na washano, 9wantu wo lukolo lwa Zakai ni, magana mfungate na milongo mtandatu, 10wantu wo lukolo lwa Bani ni magana mtandatu na milongo mine na waidi, 11wantu wo lukolo lwa Bebai ni magana mtandatu milongo midi na watatu, 12wantu wo lukolo lwa Azigadi ni, elufu imwenga na magana maidi na milongo midi na waidi, 13wantu wo lukolo lwa Adonikamu ni magana mtandatu na milongo mtandatu na mtandatu, 14wantu wo lukolo lwa Bigwai ni elufu mbili na milongo mishano na mtandatu, 15wantu wo lukolo lwa Adini ni magana mane na milongo mishano na wane, 16wantu wo lukolo lwa Ateli kugamba Hezekiya ni milongo chenda na mnane, 17wantu wo lukolo lwa Besai ni magana matatu na milongi midi na watatu, 18wantu wo lukolo lwa Yola ni wantu gana dimwenga na mlongo umwenga na waidi, 19wantu wo lukolo lwa Hashumu ni wantu magana maidi na milongo midi na watatu, 20wantu wo lukolo lwa Gibali ni milongo chenda na washano. 21Awantu womzi wa Betelehemu ni gana dimwenga na milongo midi na watatu, 22wantu womzi wa Netofa ni milongo mishano na mtandatu, 23wantu womzi wa Anatoli ni gana dimwenga na milongo midi na mnane, 24wantu womzi wa Azimaveti ni milongo mine na waidi, 25wantu womzi wa Kiliati Yealimu, na Kefila na Beeloti ni magana mfungate na milongo mine na watatu, 26wantu womzi wa Lama na Geba ni magana mtandatu na milongo midi na yumwenga, 27wantu womzi wa Mikimashi ni gana dimwenga na milongo midi na waidi, 28wantu we imizi ya Beteli na Ai ni magana maidi na milongo midi na watatu, 29wantu womzi wa Nebo ni, milongo mishano na waidi, 30wantu wawiye kulawa kousamizo womzi wa Magibishi ni gana dimwenga na milongo mishano na mtandatu, 31wantu wo mzi wa Elamu wa kaidi ni, elufu imwenga na magana maidi na milongo mishano na wane, 32wantu womzi wa Halimu ni, magana matatu na milongo midi, 33wantu womzi wa Lodi na Hadidi na Ono ni magana mfungate na milongo midi na washano, 34wantu womzi wa Yeliko ni magana matatu na milongo mine na washano, 35wantu womzi wa Senaa ni elufu ntatu na magana mtandatu na milongo mitatu, 36Wano ni wantu wa nkolo za Walavyantambiko wawiye kulawa kousamizo, walavyantambiko wo ulukolo lwa Yedaya, wendaga welekwa wa Yeshua wantu magana chenda na milongo mfungate na watatu, 37walavyantambiko wolukolo lwa Imeli ni, elufu imwenga na milongo mishano na waidi, 38walavyantambiko wolukolo lwa Pashuli ni, elufu imwenga na magana maidi na milongo mine na mfungate, 39walavyantambiko wolukolo lwa Halimu ni elufu imwenga na mlongo umwenga na mfungate. 40Luno ni ludongo lwa Walawi, welekwa wa Yeshua na Kadimieli, welekwe ni Hodaviya wawiye kulawa kousamizo ni wantu milongo mfungate na wane. 41Wachemi walaile ko usamizo uko Babeli welekwa wa Asafu ni gana dimwenga na milongo midi na mnane. 42Wachimaila wo mwingilo we Inyumba ya Chohile welekwa wa Shalumu na Ateli na Talimoni na Akubu na Hatita na Shobai, wendaga ni, gana dimwenga milongo mitatu na chenda. 43Zino ni nkolo za wandima we Inyumba ya Chohile wawiye kulawa kudya wasamizizagwa wendaga ni welekwa kulawa kolukolo lwa Siha na Hasufa na Tabaoti, 44kulawa molukolo lwa Kelosi na Siaha na Padoni, 45kulawa ulukolo lwa Lebana na Hagaba na Akubu, 46kulawa kolukolo lwa Hagabu na Shamlai na Hanani, 47kulawa kolukolo lwa Gideli na Gahali na Leaya, 48kulawa kolukolo lwa Lezini na Nekoda na Gazamu, 49kulawa kolukolo lwa Uza na Paseya na Besai, 50kulawa kolukolo lwa Asina na Meunimu na Nefusimu, 51kulawa kolukolo lwa Bakibuki na Hakufa na Halihuli, 52kulawa kolukolo lwa Basilusi na Mehida na Halisha, 53kulawa kolukolo lwa Balikosi na Sisela na Tema, 54kulawa kolukolo lwa Nesiya na Hatifa. 55Nkolo za welekwa wa wandima wa Sulemani wawiye kulawa kudya wasamizagwa, zendaga ni ulukolo lwa Sotai na Hasofeleti na Peluda, 56lukolo lwa Yaala na Dalikoni na Gideli, 57lukolo lwa Shefatiya na Hatili na Pokeleti Hezabaimu na Ami.

58Wandima wose we Inyumba ya Chohile na welekwa wa awandima wa Sulemani wawiye kulawa kudya wasamizizagwa wendaga ni, magana matatu na milongo chenda na waidi.

59Iviya awantu we imizi ikutimila, wauyaga ni womzi wa Teli Mela wa Teli Halisha wa Kelubu wa Adani na wa Imeli, mna hawabunkulwe kugamba wendaga welekwa wa Waizulaeli. 60Awo wendaga wo lukolo lwa Delaya na Tobiya na Nekoda, wendaga wantu magana mtandatu na milongo mishano na waidi.

61Awantu wezinkolo zikutimila za walavyantambiko iviya wauyaga kulawa ko usamizo, ulukolo lwa Hobaiya na Hakosi na ulukolo lwa Balizilai. Uyo Balizilai endaga asolaga mndele ywa Balizilai ywa Gileadi, umntu uyo naye niyo etangwa Balizilai. 62Awo walondaga amazina yawo mwo ludongo lwe izinkolo zawo mo lukumbusa lwawo, mna hawawoneke. Ivyo niyo walemezwa kutenda walavyantambiko kwaviya wadunduga kulagisa wowo wazumilika kumvikila Chohile. 63Sekulu awagamba hawakungigwa kudya kande iyo ilavigwe kwa Chohile vyaungwa atendeke aho mlavyantambiko akudaha kuza kwa Chohile kwa sila ya Ulimu na Sumimu. 64Awantu wose wauyaga kulawa uko wasamizizwaga wendaga ni, elufu milongo mine na midi na magana matatu na milongo mtandatu, 65ukaleka awo, kwendaga na wandima wagosi na wavyele elufu mfungate na magana matatu na milongo mitatu na mfungate, naho kwendaga na wachemi wagosi na wavyele, wose wendaga magana maidi. 66Wendaga na falasi magana mfungate na milongo mitatu na mtandatu na mpundafalasi magana maidi na milongo mine na shano, 67na ngamiya magana mane na milongo mitatu na shano, na mpunda elufu mtandatu na magana mfungate na milongo midi.

68Awantu awo walawaga uko wasamizizagwa, weze wabule kwe Inyumba ya Chohile uko komzi wa Yelusalemu, ivilongozi wamwenga we izinkolo izo niyo walavya malavyo ya kweungila chani kwambiza uzesi we Inyumba ya Chohile uko Yelusalemu hadya yendaga. 69Walavyaga chila mntu viya adahile kwa chausa che indima ino. Amalavyo yose yendaga chilo magana mashano ya zahabu na chilo elufu mbili na magana mnane ya mayuwe ya chumbu na suche gana dimwenga kwa chausa cha walavyantambiko.

70Ivyo, walavyantambiko, Walawi na wamwenga wa awantu watuhu wakongaga kwikala mo mzi wa Yelusalemu na mwe zikaya zakwe. Wachemi na wamizi we Inyumba ya Chohile na wandima we Inyumba ya Chohile niyo wakonga kwikala mwe imizi yawo. Waizilaeli wose wekalaga mwe imizi yawo.