ଯାତ୍ରା

ମୋଶାଙ୍କ୍‌ ଲିଖିତ ଦ୍ୱିତିୟ ବହି

ଯାତ୍ରାତେ ପରିଚୟ

ଯାତ୍ରା ବଇତ୍ ବିଷୟ୍‌ତେ ଅଣ୍ଡୟ୍ ପଦ୍‌

ବହିଷ୍କାର୍ ବଇ ଅବ୍ରହାମ୍‌ତେ ପରିବାର୍‌ତଡ଼୍ ଇତିହାସ୍‌ ଆଲେନେ ମିନ୍ଦେ, ବାତ୍‌ତେ ଆଦି ବଇତାଗାଙ୍କ୍ ଆରାମ୍ ଆସ୍‌ମାତ୍‌ତେ। ଯାତ୍ରା ଶଦ୍ଦତେ ଅର୍ତ ଆଦୁତ୍‌ତେ “ଆଦାନାଦ୍‌”, ଇସ୍ରାଏଲ୍‌ତେ ମିଶର୍‌ତାଗାଙ୍କ୍ ପେଇତାନ୍ ଦେଶ୍‌ତିଙ୍କ୍ ପୁନ୍ଦାନଙ୍କ୍ ଆଦ୍‌ତେ। ବାତ୍‌ତେ ଇଶ୍ୱର୍ ଅବ୍ରାହାମ୍‌ତିଙ୍କ୍ ପ୍ରତିଜ୍ଞା ମାଡ଼ିମାତ୍‌ତଡ଼୍। ରିତିନିତି ଅନୁସାର୍‌ତେ, ପଣ୍ଡିତ୍‌ନଡ଼୍ ବିଶ୍ୱାସ ମାଡ଼ିତଡ଼୍ ଯେ ଯାତ୍ରା ବଇକିନାଗ୍ ଦୁଡ଼େତ୍ ଦୁଡ଼େ ମୋଶାଲ୍‌ ବବିଷ୍ୟଦ୍‌ବକ୍ତାନଡ଼୍ ତଡ଼୍ ଲେକେଆତ୍‌ତେ ନୁ ଇଦ୍ ପାଟ୍ ନିଜେ ପରାମର୍ଶ ଇସ୍‌ମାତ୍‌ତେ ଲେକାମ୍ ଏର୍କେ ଆଦ୍‌ତେ। ଯାତ୍ରା 24:4 କେତିତ୍ ଯେ ମୋଶା ବେଲାନେ ବଇତେ ବେସ୍କ୍ ଦୁଡ଼ା ଲେକିମାତ୍‌ତଣ୍ଡ୍। ଯିହୋଶୂୟ 8:31 ତାଗ୍ ଇଦ୍ ଯାତ୍ରା 20:25 ତାଗ୍ ଅଣ୍ଡୟ୍ ଆଦେଶ୍‌ତିଙ୍କ୍‌ କେତିତ୍ ନୁ ଇଦ୍ କେତ୍‌ତେ ଯେ ଇଦ୍ “ମୋଶାନ୍ ନିୟମ୍ ବଇତାଗ୍ ଲେକା ଆତ୍‌ତେ।” ପୁଃନେ ନିୟମ୍ ମୋଶାନ୍ ତଡ଼୍ ନାର୍ଗେଦାମ୍ ଲେକ୍‌ତେ ବଇକିଙ୍କ୍ ପୁନ୍ଦାନଙ୍କ୍ ଆଦ୍‌ତେ, ଉଦାହରନ୍ ଲେକାମ୍ ବେସୁଙ୍କ୍ ନିଡ଼୍‌ସମାନ୍ଦାନ୍ ପଦ୍‌ଲେତ୍ ପରୁ ବାତ୍‌ତେ ଗଟେମ୍ ନୁ ବେସୁଙ୍କ୍ ଇଦ୍ “ମୋଶାନ୍ ବଇତାଗ୍” ଲେକା ଆସ୍‌ମାତ୍‌ତେ (ମାର୍କ 12:26)। ଇଜିପ୍ଟତାଗାଙ୍କ୍ ଇସ୍ରାଏଲ୍‌ତେ ଆଦାନାଦ୍‌ ପ୍ରାୟ 1300 କି 1400 ବର୍ଷତ୍ ମୁନେଙ୍କ୍ ଗଟେମ୍ ଆସ୍‌ମାତ୍‌ତେ ପ୍ରତମ୍ ରାଜା 6:1 ତାଗ୍ ଇଦ୍ କେତୁତ୍ ଯେ ଶଲୋମନ୍‌ତେ ଇସ୍ରାଏଲ୍ ପରୁ ରାଜା ଆଦାନାଦ୍‌ ଚତୁର୍ତ ବର୍ଷତ୍ ମୁନେଙ୍କ୍‌କଞ୍ଜ୍ 480 ବର୍ଷତ୍ ମୁନେଙ୍କ୍ ଇଦ୍ ନିର୍ବାସନ୍ ଗଟେମ୍ ଆସ୍‌ମାତ୍‌ତେ।

ଅବ୍ରହାମ୍, ଇସ୍‍ହାକ୍ ନୁ ଯାକୁବ୍‌ତିଙ୍କ୍ ଇଶ୍ୱର୍ ବେଲାନେ ପ୍ରତିଜ୍ଞା ପାଲନ୍ ମାଡ଼ମାତ୍‌ତଡ଼୍, ଆଦିନ୍‌ ପରୁ ଗୁରୁତ୍ୱ ଇତ୍‌ତଡ଼୍। ଇଦ୍ ଅବ୍ରହାମ୍‌ତେ ପୁଲୁଡ଼୍‌ତଡ଼୍, ଇସ୍ରାଏଲ୍‌ତେ ଜାତି, ମିସର୍ ଦେଶ୍‌ତାଗାଙ୍କ୍ ଇଶ୍ୱର୍‌ତେ ଶକ୍ତିତଡ଼୍ ମୁକ୍ତି ବିଷୟତେ କେତିତ୍ (ଯାତ୍ରା 1:12-1)। ଆଗାଙ୍କ୍‌ ଇଶ୍ୱର୍ ତାନ୍ ନାରୁଡ଼୍‌କିଙ୍କ୍ ସାଇନ ମେଟେତ୍ ପାଦଦେଶ୍‌ତାକ୍ ଅତ୍‌ତେ ବେଗେ ଅଣ୍ଡ୍ ଇସ୍ରାଲୀୟନଡ଼କ୍ ଆଦାନଙ୍କ୍‌ ମୋଶାଙ୍କ୍ ନାର୍ଗେ ନିୟମ୍ ଇସ୍‌ମାତ୍‌ତଡ଼୍ (ଯାତ୍ରା 12:19)। ଇଦ୍ ନିୟମ୍‌କିନାଗ୍ ଅଡ଼୍ ବେଲାନେ କାମ୍ ମାଡ଼ାନାଦ୍ ସାୟେ, ଅଡ଼୍ ବେଲାନେ ବଲିଦାନ୍ ଇଦାନାଦ୍ ସାୟେ ନୁ ଗୁଡ଼ୁସେ ତିଆର୍‌ତେ ସେଙ୍ଗେ ଢ଼ଟାମ୍‌ ଆଦେଶ୍‌ତାଦ୍‌ (ବାତ୍‌ତେ ଅଡ଼ାଗେ ଇଶ୍ୱର୍ ମାନ୍ଦାନାଦ୍ ଆଦ୍‌ତେ), ଗୁଡ଼ୁସାତାଗ୍ ପୂଜାମାଡ଼ାନ୍ ସେଙ୍ଗେ ଜାହାଜ୍ ନୁ ୱେରେୱେରେ ଯନ୍ତ୍ରପାତି ନୁ ପୁରୋହିତନଡ଼୍ ଦାର୍ମିକ୍‌ତେ ଚକା ବିଷୟତେ ଲେକ୍‌ତଡ଼୍। (ଯାତ୍ରା 20:31) ତାନ୍‌ପେର୍କେ ଅଣ୍ଡୟ୍ ବୟଙ୍କାର୍ ବିଦ୍ରୋହ ପେର୍କେ ବେଗେ ଇସ୍ରାଏଲ୍ ପେୟେ ଲେକାମ୍ ଅଣ୍ଡୟ୍ ସୁନାତାଦ୍ ମୂର୍ତ୍ତି ତିଆର୍ ମାଡ଼୍‌ତଡ଼୍, ମୋଶା ମେଣ୍ଡନ୍‌ଦାମ୍ ଇଶ୍ୱର୍‌ତଡ଼୍ କାଇଲ୍‌ତଡ଼୍ (ଯାତ୍ରା 32:33)। ବଇତେ ମାର୍ରଙ୍କ୍‌ତେ, ମାନାଡ଼୍ ଦର୍‌ସ୍କ୍‌ତାଡ଼ ଯେ ମୁନେଙ୍କ୍‌କଞ୍ଜ୍ ଲେକ୍‌ତାଦ୍ ଜିନିଷ୍ ବେଲାନେ ତିଆର୍ ଆସ୍‌ମାତ୍‌ତା ଯାତ୍ରା 33: 40 ।

ବାହ୍ୟରେକା:

1. ମିସର୍ ଦେଶ୍‌ତାକ୍ ଇସ୍ରାଏଲୀୟନଡ଼୍ ବେଲାନେ କ୍ରୀତଦାସ ଆସ୍‌ମାତ୍‌ତଡ଼୍, ଅଧ୍ୟାୟ୍ 1 ବ୍ୟାକ୍ୟା ମାଡ଼ାଟ୍।

2. ଅଧ୍ୟାୟ 2 ତାଗାଙ୍କ୍ 4 ମୋଶାଙ୍କ୍ ପୁଞ୍ଜ୍‌ସ୍ପିତ୍ ନୁ ଇଶ୍ୱର୍‌ତେ ନାରୁଡ଼୍‌କିଞ୍କ୍ ଉଦ୍ଧାର୍ ମାଡ଼ାନଙ୍କ୍ କାର୍ଙ୍ଗାନ୍ ଯାକ ଅନ୍ ଜିୱେତ୍ ବିଷୟ୍‌ତେ କେତିତ୍।

3. ତାନ୍‌ପେର୍କେ ଲେକ୍‌ତେନଡ଼୍ ବ୍ୟାକ୍ୟା ମାଡ଼୍‌ତଡ଼୍ ଯେ ଇଶ୍ୱର୍ ବେଲାନେ ନିଜେତ୍ ନାରୁଡ଼୍‌କିଙ୍କ୍ ଆଦ୍‌ ଦେଶ୍‌ତାଗାଙ୍କ୍ ନୁ ଫାରୋଙ୍କ୍ ସନ୍ୟମାନ୍ଦେତାଗାଙ୍କ୍ ଉଦ୍ଧାର୍ ମାଡ଼ାନଙ୍କ୍ ମିଶର୍‌ତାକ୍ ବେଲାନେ ଶକ୍ତିତାଦ୍ ବେଡ଼ିୟେ ନୁ ମରୁଡ଼ି ତିଆର୍ ମାଡ଼୍‌ତେ ଅଧ୍ୟାୟ 5:15- 21 ।

4. ଇଗାଙ୍କ୍ ଇସ୍ରାଏଲ୍ ଦେଶ୍ ସାଇନ୍ ମେଟେତାକ୍ ଆତ୍‌ତଡ଼୍ ଅଧ୍ୟାୟ୍ 15: 22 -19 ।

5. ଅଧ୍ୟାୟ୍‌ 20 ତାଗାଙ୍କ୍ 31 ତାଗ୍ ମାମେ ପାଚ୍‌ରିଞ୍ଚତମ ଯେ ଇଶ୍ୱର୍ ବେଲାନେ ମୋଶାନ୍ ନିୟମ୍ ଇତ୍‌ତଣ୍ଡ୍, ବେଗେ ଇଶ୍ୱର୍‌ତେ ନାରୁଡ଼୍, ଇସ୍ରାଏଲୀୟନଡ଼୍ ବେଲାନେ ଗେଲ୍‌ସିତଡ଼୍ ନୁ ଉପାସନା ମାଡ଼ାନଙ୍କ୍ ଆଦ୍‌ତେ ଆଦ୍‌ ଲେକାମ୍‌ତେ ଆଦେଶ୍‌ତାଦ୍‌ ମାତ୍‌ତେ।

6. ଅଧ୍ୟାୟ୍ 32 ତାଗ୍ ଲେକାଆତ୍‌ତେ ଯେ ଇସ୍ରାଏଲୀୟନଡ଼୍ ବେଲାନେ ମୋଶାନ୍ ଦାଦାଲ୍ ହାରୋନ୍‌ତିଙ୍କ୍ ଅଣ୍ଡୟ୍ ୱେଡ଼୍‌ତାଦ୍ ପେୟେ ଲେକାମ୍‌ତେ ମୂର୍ତ୍ତି ତିଆର୍ ମାଡ଼ାନଙ୍କ୍ ବିଶ୍ୱାସ୍ ମାଡ଼ି ଇଶ୍ୱର୍‌ତେ ବିରୁଦ୍ଧ୍‌ତେ ରାମ୍‌କ୍ ମାଡ଼୍‌ତଡ଼୍।

7. ଅଧ୍ୟାୟ୍ 33 ତାଗାଙ୍କ୍ 40 ଅଧ୍ୟାୟ୍ ବେଲାନେ ଇଶ୍ୱର୍‌ତେ ଗର୍ବ ଉଡ଼ିମାତ୍‌ତଡ଼୍ ନୁ ତାନ୍‌ପେର୍କେ ଇସ୍ରାଏଲୀୟନଡ଼୍‌କ୍ ଇଶ୍ୱର୍‌ତେ ନିୟମ୍ ବିଷୟ୍‌ତେ ନୁ ବେଲାନେ ଗୁଡ଼ୁସେ, ଜାହାଜ୍ ନୁ ଗୁଡ଼ୁସାତାଗ୍ ଉପାସନା ସେଙ୍ଗେ ୱେରେୱେରେ ଉପକରଣ ନୁ ପୁରୋହିତନଡ଼୍ ଲେକେତାୱୁ ଚକା ବିଷୟ୍‌ତେ ନିର୍ଦ୍ଦେଶ୍ ଇସ୍‌ମାତ୍‌ତଡ଼୍।