मर्कुस

मर्कूसले लेखेको सुसमाचार

मर्कुसये ओसोरो चाव सोर

कितापलाई सरेःने

साःरौ बाचाटा चारगोटा चाव सोरला कितापरंलाम मर्कुसये ओसोरो चाव सोर टोबो एटाव बचन ची जोये येसुलो उजीबनलो ओबयान डोवये। आव चारगोटा कितापरंलाई चाव सोरला कितापरं डोसिरंये होकाम आवलाई चाव सोर पनि डासिये। आव चारगोटा कितापरं येसु उसिव छिन्डे मत्ती, मर्कुस, लुका सोनो युहन्नाराई यासोरो ची। मर्कुसये ओसोरो किताप चारगोटा चाव सोररंकाम स्यान्टैराई भन्डा आलिज़ा ची। ऐटाव बिस्वास पनि डासिये, येसु उजर्मीव झिन्डे ६५ काम ७० बर्स खार्ल, स्यान्टै भन्डा ङाःडे सर्सिव ची। बाइबल सन्ने भ्या मीराई आव किताप रोमलं सर्सिव वार्रये, होकाम आवलो ओकारन रोमला लेव ख्रीस्ट्यानरंलाई साःरौ हिक्मत यानेलो लागिटं सर्सिव लेव।

मर्कुसलाई, युहन्ना मर्कुस वार्डे पनि सरेःसिये, आव प्रेरित पावल सोनो बारनाबासनि नेनै लेव। हैनि पनि नोलो ओसेवासं ओडोव बेलाका रोःलाई कितापटं ओसोरो ची। मर्कुसलो उकितापये सिसरं झैने सोनो येसु फरि ओराने बेलाका रोःरं पैने बारेलं भ्या जोर यासिवले, ओनैरासं याभासिकं बनै डुखि ओटाव।

आव ज्युङला बिसयेरं

१. मर्कुसलो उकितापलाई सरेःने।

२. गालीललं येसुये ओडोव सेवालो ओबारेलं।

३. येसु यरुसलेमडे ओनाव बारेलं।

४. येसु यरुसलेमलं सोनो सिडे सिवलाम ज्युङडाटाने बेला समं