Ishaya

Katagarda ka

ISHAYA

Kuɓa̱yuwa̱

Kula ku katagarda ki Ishaya kula ku ɗa ku keneki ka gbayin ko yoku ka na ko yongoi a Urushelima a̱ya̱ n a̱bunda̱i a na a lazai ɗe. Ka yaꞋan ta̱ kadanshi ka atakaci a na iɗika i Yahuda i soꞋi e ekiye aza a Asiriya, n tsu na keneki ka ke ɗekei uma a koɓolo n aza e kelime e le adama a na o yongo n wuma u ciɗa ayin tutu, n tsu na ukpa̱ɗi u kupanaka Ka̱shile u tsu tuka̱ n atakaci. Katagarda ka yaꞋin kpamu kadanshi ke kusheshe ku Ka̱shile a kubana u uma a̱ ni n tsu na a kuyaꞋan n iɗika i na i buwai, n tsu na kpamu o kutono wila̱ u kanna ka Ashibi, n alyuka n kuyaꞋan ka avasa. Ushani u kadanshi ku uyevi punu a katagarda ka u ɗaɗa a masala ma 61:1-2, udani u na Yesu u yaꞋankai ulinga a ayin a na u gita̱i ulinga u ni.

Ili i na yi punu udari a katagarda ka nampa:

Uɓarangi n uzuwakpani 1:1; 12:6

Atakaci a iɗika kakau 13:1; 23:18

Afada a̱ Ka̱shile a̱ kuta̱wa̱ aduniyan 24:1; 27:13

Uɓarangi u kelime n uzuwakpani 28:1; 35:10

Mogono Hezikaya vu Yahuda n aza a Asiriya 36:1; 39:8

Akaka a uzuwakpani koɓolo n a̱pa̱ 40:1--55:13

Uɓarangi kakau n uzuwakpani kakau feu 56:1; 66:24