होशे

होशे

लिखने बालो

होशेरे किताबरी नबूवत एप्पु होशे कियोरी थी। इन मन्नू गाते कि तैसेरे चेलेईं विश्वास केरतां होशेरी नबूवतां परमेशरेरे तरफां आन, तैना लिखोरिन। इतिहासेरे मुताबिक होशे उत्तरी रियासती मां रहतो थियो। होशेरो मतलबे, “मुक्ति” आहे। बाकी कोन्ची भी नेबी करां जादे होशे एप्पु नबूवत कियोरी अपने ज़िन्दगी सेइं ज़ोड़ोरी थी। बुझ़ी ज़ैनतां बेवफा कौन्शी सेइं ड्लाह बनानो, अपने बच्‍चन एरां नंव्वां देनां ज़ैना इस्राएलेरे सज़ारे निशान थिये। होशेरे नबूवतरे वचन तैसेरे घरानेरे ज़िन्दगी सेइं पेश कियोरे थिये।

लिखनेरी तारीक ते जगाह

लगभग 750-710 ई. पू.

होशेरे सन्देश अकोट्ठे किये जे ते तैन केरि प्रतिलिपि तियार की जेवरी थी। एन त साफ नईं कि एन कम कैखन पूरी भोवं, पन भोइ सकते कि यरूशलेमेरी हारी करां पेइलू इन कम पूरू भोवरू थियूं।

शुन्ने पढ़नेबाले

होशेरे सन्देश शुन्ने पढ़नेबाले उत्तरी रियासत इस्राएलेरे लोक थिये। ज़ैखन तैन केरि हार भोइ तैखन तैसेरी नबूतरी सज़ारी खबरदारी भोनेरे रूपे मां सुरक्षित रख्खी जेई ते मन फिरानेरे लेई ज़ोनू ते दुबारां आबाद भोनेरो वाधो।

मकसद

होशेरी किताबरो लिखनेरो मकसद ई थियो कि इस्राएली लोक बल्के अस भी खबरदार किये गाम कि परमेशर भक्ति चाते। सिर्फ यहोवा अक सच़्च़ो परमेशरे, ते तै चाते कि तैसेरी भक्ति की गाए। पापेरी सज़ाह मैलतीए, होशे दुखेरी ते हमलेरी ते गुलैमरी नबूवत की, परमेशर मैन्हु नईं कि अपनो वाधो पूरो न केरे। इस्राएलेरे धोखेबाज़ भोने पुड़ भी परमेशर तैन सेइं प्यार केरतो राव। तैना फिरी आबाद किये। होशे ते गोमेरेरो ड्लाह ज़ै अक बड़ी बड्डी मसाले, तैसेरे ज़िरिये मूरती पूज़ा केरनेबाले इस्राएलेरे लेई परमेशरेरो प्यार बांदो कियो जेव। इस किताबी मां पाप, सज़ाह ते माफ़ केरनेबालो प्यारेरे बारे मां लिखेरूए।

खास मुद्दो

वफादार न भोनू

रूपरेखा

1. होशेरी बेवफा कौन्श

2. इस्राएलेरे लेई परमेशरेरी सज़ाह ते न्याय

3. परमेशर अपने लोकां केरो छुटकारो केरते

4. इस्राएलेरू परमेशरे करां दूर भोनू ते सज़ाह

5. इस्राएलेरे परमेशरेरो प्यार ते दुबारां आबाद भोनू