Esita

CHITABU CHA ESITA

ESITA

ULONGOZI

Chitabu cha Esita chatamwila ivyo Waizulaeli wendile watahwa uko Uwajemi ne ivyo wambulwe kulawa kwa mnkondo endile kaika mwalo wa kuwakoma. Hatahegu idizina dya Chohile hadiwandikwe mwe ichitabu chenye, ni pwilili kugamba Chohile kawambula awo kulawa mwe idijezo dya kuwakoma wose. Hahana hata mntu amanyize uyo awandike ichitabu cha Esita. Kuligana ne idilonga dye Chiebulaniya wasomile walozize wevilikiza kugamba chitabu cha Esita chawandikagwa mo mhilimo wa magana mane umo Kulisito Henati kwelekwa.

Mbuli zilaile ziwandikwe muno mwe ichitabu cha Esita zalagisa ivyo Wayahudi wakongile kuvina ingasu ikwitangwa Pulimu. Mntu akwitangwa Hamani kulawa Amaleki adamanyaga mwalo wa kuwakoma Wayahudi. Waizulaeli na Waamaleki wendaga wankondo kukongela aho Waizulaeli watambaga kujinkila kwedijangwa kubula kweisi idya Chohile awagambile nawenke sula (Kulawa 17:8-16). Mwe ichipindi ichiya Hamani afanyanye kuwakoma Wayahudi, Esita uyo endaga Myahudi niyo atenda malikiya ywa Uwajemi. Modekai mtumbawe dya Esita amlangilizaga kuchinda umwalo wa Hamani. Wayahudi weze wawahude awankondo wawo sula 9 kubula 20 mna 22, Modekai niyo awagamba wavine ngasu ino yo uhuda. Ivyo nivyo Wayahudi wakongaga kuvina ingasu ye Pulimu.

Yemndani

Ichitabu chakonga kwa kulagisa ivyo Esita atendile malikiya ywa Uwajemi sula ya 1-2.

Vikaheza chatamwila ivyo Hamani ekiye mwalo wa kuwakoma Wayahudi ne ivyo akomigwe kwa kudamanya ivyo sula 3-7.

Vikaheza mo udumo chatambalisa ivyo Wayahudi wawahudile awankondo wawo na kukonga kuvina ingasu ye Pulimu.