Ica

Ica

Ica

Ucuɗuwu wa aatagada a nda

Aatagada e Ica a̱yi ɗa aatagada e ishipa na avasa a Aatagada a Akiza. Ama icu'un icu'un i ɗa a ɗanai niyi hali na u tarai mantsa lon. Ishipa i nda'a na avasa'a a ama a Isra'ila o oɓoloto le ta̱ uba̱ta̱ uta̱ reve e teme ulinga ne le a̱tsuma̱ a̱ a̱ga̱nda̱ ele. Acina ukosu reve oɓolo na akapi aatagada e itoni.

Ishipa i na a ɗanai nda'a oɓolo na avasa a nda'a a̱ ta̱ lo icu'un icu'un. A̱ ta̱ na̱ ishipa ya̱ A̱sula̱, na̱ za vu ugodyusho adama e isa'ani ya̱ A̱sula̱. A̱da̱na̱ ta̱ na avasa e izami yi ikambishi, na̱ za mapari na̱ za vi iwawi. A̱da̱na̱ ta̱ na̱ za mesun me izami i gafura oɓolo na̱ za na e ge'eto n'yuwatan. A̱da̱na̱ ta̱ waru na̱ za va̱ a̱ga̱nda̱ a̱ re wuma. A̱da̱na̱ ta̱ ni ishipa i ma̱a̱ 'ya̱wa̱ mo uba̱ta̱ wa̱ a̱ga̱nda̱ na̱ za vu ukatalasa u mogono.

Ele avasa a nda'a adama a vuma ɗa oɓolo na̱ za va a ama suru. Ozo o ro ele a̱ ta̱ rocosu cine vuma tsu uwwa a̱tsuma̱ o okolo a̱yi, ozo o ro ele waru a̱ ta̱ rocosu ili i na ama A̱sula̱ a cigai na̱ cine a uwwusa.

Yesu yuwan ta̱ ulinga na aatagada e Ica. Aza a na a ɗanai Nzuwulai n Sa'avu waru a yuwan ta̱ ulinga ne ele a̱tsuma̱ a yiɗanishi i le. Diga o ufaru wo oɓolo wa aza a na o tono aatagada e Ica wo o'wo ta̱ aatagada a̱ɓula̱ wa̱ a̱ga̱nda̱ a̱yi. (Urevu wu danshi nda <<Sela

Ili i na i ri pe a̱tsuma̱ a aatagada a nda

A̱ ta̱na̱ aatagada e Ica ukpaku na̱ kupoton (150), waru e ne'eshe le ta̱ a̱ tyo aatagada o ton tsu nda:

Aatagada o ufaru 1-41

Aatagada a̱ ire 42-72

Aatagada a ta'atsu 73-89

Aatagada a̱ na̱shi 90-106

Aatagada a tawun 107-150