Ica 136

Ishipa yu ugodyusho yi icigi ya̱ A̱sula̱

1I Godyoo A̱sulazuva,

adama a na a̱yi za̱ a̱ɓula̱ a ɗa1,

Icigi ya̱ i na i tsu vadala shi, i ta̱ lo hali hali.

2Godyowo yi A̱sula̱

za na la'ai musula̱,

Icigi ya̱ i na i tsu vadala shi, i ta̱ lo hali hali.

3Godyowo yi A̱sulazuva,

Zagbain va azagbain,

Icigi ya̱ i na i tsu vadala shi, i ta̱ lo hali hali.

4Godyowo yi za na a̱yi a̱ nden ɗa

u tsu yuwan linga va asalama,

Icigi ya̱ i na i tsu vadala shi, i ta̱ lo hali hali.

5Godyowo yi za na

o urevu wa̱ yi u ɗa u yuwain zuva2,

Icigi ya̱ i na i tsu vadala shi, i ta̱ lo hali hali.

6Godyowo yi za na

shuwa̱i iɗa zuva mini,

Icigi ya̱ i na i tsu vadala shi, i ta̱ lo hali hali.

7Godyowo yi

za na yuwain ekan a gbain e re3,

Icigi ya̱ i na i tsu vadala shi, i ta̱ lo hali hali.

8Urana adama u yuwan

tsugbain tsu urana,

Icigi ya̱ i na i tsu vadala shi, i ta̱ lo hali hali.

9Woto ni italyo'o waru

a yuwan tsugbain tsa ayin,

Icigi ya̱ i na i tsu vadala shi, i ta̱ lo hali hali.

10Godyowo yi za na ga̱la̱i

muwun mu ufaru ma Masar4,

Icigi ya̱ i na i tsu vadala shi, i ta̱ lo hali hali.

11Reve wu uta̱a̱ aza a Isra'ila

diga a̱tsuma̱ e le5,

Icigi ya̱ i na i tsu vadala shi, i ta̱ lo hali hali.

12Nu ukere wu ucira

na̱ linga va asalama,

Icigi ya̱ i na i tsu vadala shi, i ta̱ lo hali hali.

13Godyowo yi za na

ne'eshein Mala ma̱ Shili,

Icigi ya̱ i na i tsu vadala shi, i ta̱ lo hali hali.

14Reve u zuwa aza a Isra'ila

pasalai o uta̱ e memere ma̱ yi,

Icigi ya̱ i na i tsu vadala shi, i ta̱ lo hali hali.

15Amma a̱vu u liɓato Firi'awuna

na̱ a̱soja a̱ yi a̱tsuma̱ a Mala ma̱ Shili,

Icigi ya̱ i na i tsu vadala shi, i ta̱ lo hali hali.

16Godyowo yi za na ronoi

a ama a̱ yi aɗanga a̱tsuma̱ a̱tsumona,

Icigi ya̱ i na i tsu vadala shi, i ta̱ lo hali hali.

17Godyowo yi za na

ga̱la̱i ngono m gbagbain,

Icigi ya̱ i na i tsu vadala shi, i ta̱ lo hali hali.

18Wu una ta̱ ngono mu ucira

n na e revei ne e le,

Icigi ya̱ i na i tsu vadala shi, i ta̱ lo hali hali.

19Sihon mogono

ma aza Amoriya6,

Icigi ya̱ i na i tsu vadala shi, i ta̱ lo hali hali.

20Na̱ Og mogono

ma Bashan7,

Icigi ya̱ i na i tsu vadala shi, i ta̱ lo hali hali.

21Reve u ca nɗa n le mo o'wo

ili ya agadu ya ama a̱ yi,

Icigi ya̱ i na i tsu vadala shi, i ta̱ lo hali hali.

22Ili yaa agadu e ekere

a Isra'ila aagbashi a̱yi,

Icigi ya̱ i na i tsu vadala shi, i ta̱ lo hali hali.

23Godyowo yi za na cuwain na̱ tsu,

a̱tsuma̱ o ulambu wu ucira u tsu,

Icigi ya̱ i na i tsu vadala shi, i ta̱ lo hali hali.

24Reve u wawa tsu

e ekere a n'yuwatan ntsu,

Icigi ya̱ i na i tsu vadala shi, i ta̱ lo hali hali.

25Godyowo yi za na aa casu

ili i wuma suru ilyalya,

Icigi ya̱ i na i tsu vadala shi, i ta̱ lo hali hali.

26Godyowo yi A̱sula̱

a na a̱ ri zuva,

Icigi ya̱ i na i tsu vadala shi, i ta̱ lo hali hali.