Ica 127

Ica yi isa'ani ya̱ A̱sulazuva

Ishipa i na a ɗanayi aza a na a gawusan a̱ 'ya̱wa̱ uba̱ta̱ wa̱ a̱ga̱nda̱. Ica ya̱ Sulemanu.

1N na̱ A̱sulazuva ɗa a suwai u'wa shi,

pere ɗa suwi a yuwusan usaa.

N na̱ A̱sulazuva a ɗa a̱ piriyi lyuci shi,

ulinga wa̱ pere u ɗa

a zuwaa yi a̱za̱ e ipiri.

2Ulinga wa̱ pere u ɗa vu 'yon na̱ wasasa,

agba va̱a̱ ka̱mba̱ go'o shi,

a̱ a̱ga̱nda̱ e izami yi ili i na va lyuwa,

adama a na A̱sulazuva a tsu zuwa ta̱

aza a na u ri e icigi a lantsa e ivuwan.

3Muwun mo olobo

une'e wa̱ A̱sulazuva a ɗa,

aba'un a ɗa a̱ la̱nga̱.

4Muwun mo olobo na vuma matsain

o tsulobo tsa̱ yi,

a̱ ta̱ tsa aya e ekere a za vu uvon.

5Za ma̱za̱nga̱ ɗa vuma na

ujin wa̱ yi u ri tapu na aya!

Ko ke'en, a lyuwa aci a̱ yi shi,

a mantsa ma na u ga'asain

na̱ n'yuwatan ma̱ yi uba̱ta̱ o ge'etosu.