Ica 54

Udammu a̱ tyo a̱ ma̱dobiya. A cana yi uɗyo wa̱ Da̱wuda. A wa'a yi na̱ kumburu. A mantsa ma na ama a Zif a̱ 'ya̱wa̱i uba̱ta̱ wa Shawulu a̱vu a damma, <<A she Da̱wuda ri upa'awun a̱tsuma̱ a̱ tsu shi?>>

1A̱sula̱, vu wawa mu

nu ucira wa ala a̱ wu,

vu ka̱mba̱to mu za babu unusu

nu ucira wa̱ wu.

2A̱sula̱, vu uwwa avasa a̱ va̱,

vu polo atsuvu a̱ wu e

idanshi yu una̱ i va̱.

3Omocin a̱ ta̱ a̱ nla̱ngi na̱ a̱mu,

aza a na a̱ ri ni iliyali shi a ciga ta̱ o una mu,

ele aza a na a tarai A̱sula̱ ili shi. Wivuwun

4Amayun, A̱sula̱ a ɗa ikambi i va̱,

A̱sulazuva a ɗa a̱ ri uguzu na̱ mu.

5Lyawa iwuya i ka̱mba̱ a aci aza a na

a yuwusan adanshi a vama a aci a̱ va̱,

a̱tsuma̱ a̱ɓula̱ a̱ wu vu kototo le.

6A̱sulazuva, n ta ca wu

kucci vu ucigu wo okolo

n ta cuwa ala a̱ wu,

adama a na u tu ulobonu.

7Adama a na u wawa mu ta̱

a̱tsuma̱ a̱tsuma̱lima̱ a̱ va̱ suru,

waru esu a̱ va̱ e ene ta̱ ulyuwu waa aci

a aci a n'yuwatan n va̱.