Ica 8

Udammu a̱ tyo a̱ ma̱dobiya. O una̱ wa <<Giti.>> Ica ya̱ Da̱wuda.

1A̱sulazuva, A̱sulazuva a̱ tsu,

e reve ta̱ na̱ tsugbain tsa Aala a̱ wu

a̱tsuma̱ o uvaɗi suru!

A̱vu na ica ya̱ wu

i rawai zuva va zuva!

2Vu zuwa ta̱ ica ya̱ wu yu uta̱,

diga o una̱ u muwun na̱ nreɓu. 1

Ica ya̱ wu yo o'wo ta̱

ukari e ekere a n'yuwatan ma̱ wu,

adama e isawaton aza a na a 'yuwan nuwu

oɓolo na aza a na a cigai a tsupa.

3A mantsa ma na n ka̱lyuwa̱i zuva,

ulinga wu ukere wa̱ wu,

woto ni italyo'o

na vu zuwai uba̱ta̱ u le,

4reve n damma,

<<Za ne ɗa vaɗilima̱ na vu ri aɗa a̱ yi,2

na vaa idanasa yi?>>

5Na̱ ne suru ili yi lo na la'ai vaɗilima̱ shi,

she a̱vu goon,3

hali na vu ca niyi tsugbain

vu tara niyi na̱ a̱ɓula̱.

6Na vu zuwa niyi u yuwan tsugono,

aci e ili i na vu yuwain suru.4

Hali na vu zuwai ili suru za̱la̱ vu ucira va̱ yi,

7ni ikyon ni inan,

ni inama yu una suru,

8na̱ nnunu na̱ mugula,

na̱ cu'un vi ili i wuma i na i ri a̱tsuma̱ a mala suru.

9A̱sulazuva, A̱sulazuva a̱ tsu,

e reve ta̱ na̱ tsugbain tsa̱ a̱ wu

a̱tsuma̱ o uvaɗi suru!