बिधान

बिधान

बिधानो रा बखाण

भूमिका

बिधानो री ये कताब मूसे लिखी थी जो सच्चो खेई इस्राएली लोका खे दित्ते रे मूसे रे उपदेशा रा संग्रह ए। जेबे इस्राएली लोक यरदन नदी टपणे वाल़े थे तेबे मूसे तिना खे ये शिक्षा दित्ती। जो गल्ला मूसे यरदन नदिया रे नेड़े सारे इस्राएलिया खे बोलिया सेयो ये ए।

लगभग 1446 ते 1405 ईश्वी पूर्व

ये कताब इस्राइलो रे जरीये वादा कित्ते रे प्रदेशो रे पऊँचणे ते 40 दिन पईले लिखी राखी मूसा बीते रे चाल़िया साला रे ऊई री सारिया बड़ी कटणा खे याद करोआ ओर इस्राएलिया खे याद दलाओआ कि परमेशर किंयाँ सुनसाण जगा रे तिना खे सई बाट बतांदा रया। इजी रिया तँईं तिना खे परमेशरो रिया तँईं आज्ञाकारी ओर निष्ठावान बणेया रा रणा चाईयो।

मूसा दसा आज्ञा खे फेर बताओआ ओर पईली आज्ञा पाँदे जोर देई की बोलोआ। से इस्राएली लोका खे बोलोआ कि सेयो सिर्फ परमेशर यहोवे री ई आराधना ओर पग्ती करो।

मूसा इस्राएलिया खे तेस बिधानो खे बी याद दलाओआ जो परमेशरे तिना साथे स्थापित कित्ती थी। मूसा इस्राएलिया खे आज्ञा देओआ कि सेयो बिधानो रे लिखी री गल्ला खे मानेया करो

यहोशूए खे ये जिम्मेबारी सम्बाल़ी जाओई कि से मूसे ते बाद परमेशरो रे आपणे लोका खे सई बाट बताओ।

बिधानो रे एस ग्रंथो रे पितरला बचार ये ए कि परमेशर आपणे चूणे रे इस्राएली लोका साथे प्यार करोआ। सेयो एते लाईक नि थे; फेर बी तिने सेयो बचाए ओर तिना खे आशीष दित्ती। इस्राएली जातिया खे ये याद राखणा ओगा ओर तिना खे बी आपणे परमेशर यहोवे साथे प्यार करना ओर तिना री आज्ञा खे मानणा ओगा। ताकि सेयो जिऊँदे रई सको ओर परमेशरो री आशीष तिना पाँदे लगातार बरसदी रओ।

रूप-रेखा

मिस्रो ते इस्राएलिया रा सफर

परमेशरो साथे इस्राएलिया रे रिश्ते

परमेशरो साथे तिना रा पग्त ऊणे रा महत्व

परमेशरो साथे किंयाँ प्यार करना ओर किंयाँ तेसरिया आज्ञा मानणियां

आशीषा ओर स्राप

मूसे री मौत