निर्गमन

निर्गमन

निर्गमन

पैछान

निर्गमन कि किताब अब्राहम का कुल कि कहानी खे आगे बडास हइ, जो उत्पत्ती मे सुरु हुइ थी. निर्गमन बोल को अर्थ हइ “निकास” जेको तात्पर्य इस्राएल राज के मिस्र से निकालीके उ देश मे वापस आना से हइ जेको वादो परमेश्वर मे अब्राहम से कऱ्यो थो. पिडमपिडी रुप से, विव्दानहोन को माननो हइ कि निर्गमन कि किताब को आदो भाग पैगंबर मुसा का वजेसे लिख्यो गयो थो, अरु असो लगस हइ कि यो पाठ से ही मालुम चलस हइ.

निर्गमन या बात पर जोर देस हइ कि परमेश्वर अब्राहम, इसहाक अरु याकुब से कऱ्यो अपनो वादा के कसो पुरो करी रो थो. यो अब्राहम को कुलहोन, इस्राएल राज के मिस्र कि जमिन से परमेश्वर कि शक्तिशाली उध्दार का बारे मे बतास हइ

रुप रेखा

1. इस्राएलिहोन के मिस्र देश मे गुलाम बनायो गयो थो.

2. मुसा के पैछान दियो गयो हइ अरु ओका जिवन का बारे बतायो गयो हइ, जब तक कि ओके परमेश्वर का दुनियाहोन के छुडान का लिये नी बुलायो गयो.

3. फिर लेखक बतास हइ कि कसो परमेश्वर ने अपना दुनियाहोन खे उ देश से अरु फिरौन कि सेना से बचान का लिये मिस्र मे बडा बडा चमत्कार अरु संकटहोन पैदा करी.

4. यहा से इस्राएल राज सीनै टेकडी तक गयो.

5. हम पडस हइ कि कसो परमेश्वर ने मुसा के व्यवस्था दि, जेमे से परमेश्वर का दुनियाहोन, पन इस्राएलिहोन के कोय तरिका से जीवन जीनो अरु आराधना करनो थो, येका बारे मे विस्तृत निर्देश था.

6. इस्राएलिहोन ने मुसा को भइ हारुन के सोन्ना का बच्चा का आकार कि मुरती बनान का लिये राजी करीके परमेश्वर का खिलाप विद्रोह कऱ्यो.

7. मुसा ने परमेश्वर कि महिमा देखी अरु इस्राएलिहोन का परमेश्वर कि व्यवस्था का बारे मे निर्देश दियो अरु बतायो कि निवासजगा, पेटी अरु निवासजगा मे उपासना का लिये हर उपकरण, अरु याजकहोन के अच्छा कपडा कसा बनाये.